റെക്കോര്ഡുകള് കടപുഴക്കി കൊളംബോ ടെസ്റ്റ്
Synopsis
- ശ്രീലങ്കയില് രണ്ട് ടെസ്റ്റ് പരമ്പര വിജയങ്ങള് നേടുന്ന ആദ്യ ഇന്ത്യന് നായകനാണ് വിരാട് കോലി.
- ശ്രീലങ്കയിലെ എട്ടാം ടെസ്റ്റ് വിജയമാണ് ഇന്ത്യയുടേത്. ഇതോടെ ശ്രീലങ്കയില് ഏറ്റവും കൂടുതല് വിജയങ്ങള് നേടുന്ന വിദേശ ടീമായി ഇന്ത്യ.
- ശ്രീലങ്കയിലെ ടെസ്റ്റ് മല്സരങ്ങളില് ഏറ്റവും കൂടുതല് സിക്സുകളെന്ന റെക്കോര്ഡ് ഈ മല്സരത്തിന്. മല്സരത്തില് ആകെ പിറന്നത് 16 സിക്സുകള്.
- തുടര്ച്ചയായ എട്ടാം പരമ്പര വിജയമാണ് കോലിപ്പട നേടിയത്. ഒമ്പത് പരമ്പരകള് നേടിയ ഓസ്ട്രേലിയ മാത്രം ഇന്ത്യക്ക് മുന്നില്.
- കൊളംബോ എസ് എസ് സി സ്റ്റേഡിയത്തില് ഇന്ത്യ മൂന്നാം ടെസ്റ്റ് വിജയം സ്വന്തമാക്കി .
- ശ്രീലങ്കയിലാദ്യമായി ടീം ഇന്ത്യ ഇന്നിംഗ്സ് വിജയം നേടി.
- ഫോള് ഓണ് ഇന്നിംഗ്സില് സെഞ്ചുറി നേടുന്ന ആദ്യത്തെ ശ്രീലങ്കന് താരമെന്ന റെക്കോര്ഡ് ദിമുത് കരുണരത്നക്ക് സ്വന്തം. ഫോള് ഓണ് ഇന്നിംഗ്സില് രണ്ട് ശ്രീലങ്കന് താരങ്ങള് സെഞ്ചുറി നേടുന്നതും ഇതാദ്യം.
- ആര് അശ്വിന് ടെസ്റ്റില് 26ആം അഞ്ച് വിക്കറ്റ് നേട്ടം. ഇന്ത്യന് താരങ്ങളില് ഇതിഹാസ താരം അനില് കുബ്ലെ മാത്രം അശ്വിനു മുന്നില്.
- രണ്ട് താരങ്ങള് അഞ്ച് വിക്കറ്റ് നേട്ടവും അര്ദ്ധസെഞ്ചുറിയും നേടുന്നത് ടെസ്റ്റിലാദ്യം.
- ശ്രീലങ്കയില് ഇന്ത്യ നേടിയത് തുടര്ച്ചയായ നാലാം വിജയം .
- വിജയത്തോടെ ഏഴ് രാജ്യങ്ങളില് ഇന്നിംഗ്സ് വിജയം നേടാന് ഇന്ത്യക്കായി.
- അജിങ്ക്യ രഹാന 39 ടെസ്റ്റ് മല്സരങ്ങളില് നിന്ന് 50 ക്യാച്ചുകള് സ്വന്തമാക്കി. ഏക്നാദ് സോള്ക്കറിനു (26 മല്സരങ്ങള്) ശേഷം ഏറ്റവും വേഗതയില് 50 ക്യാച്ചുകള് നേടുന്ന താരമാണ് രഹാന.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!