റെക്കോഡുകള് തിരുത്തിയെഴുതി കോലിപ്പട; സ്വന്തമാക്കിയത് അത്ഭുത നേട്ടങ്ങള്
Synopsis
ഓസ്ട്രേലിയയില് ചരിത്ര പരമ്പര നേട്ടത്തോടെ ഒരുപിടി നേട്ടങ്ങളാണ് ക്യാപ്റ്റന് വിരാട് കോലിയുടെ കീഴില് ഇന്ത്യ സ്വന്തമാക്കിയത്. നാല് മത്സരങ്ങളുള്ള ടെസ്റ്റ് പരമ്പരയില് 2-1നാണ് ഇന്ത്യ വിജയിച്ചത്. അഡ്ലെയ്ഡില് നടന്ന ആദ്യ ടെസ്റ്റില് ഇന്ത്യ വിജയിച്ചപ്പോള് പേര്ത്തില് ഓസീസ് തിരിച്ചുവന്നു.
ഓസ്ട്രേലിയയില് ചരിത്ര പരമ്പര നേട്ടത്തോടെ ഒരുപിടി നേട്ടങ്ങളാണ് ക്യാപ്റ്റന് വിരാട് കോലിയുടെ കീഴില് ഇന്ത്യ സ്വന്തമാക്കിയത്. നാല് മത്സരങ്ങളുള്ള ടെസ്റ്റ് പരമ്പരയില് 2-1നാണ് ഇന്ത്യ വിജയിച്ചത്. അഡ്ലെയ്ഡില് നടന്ന ആദ്യ ടെസ്റ്റില് ഇന്ത്യ വിജയിച്ചപ്പോള് പേര്ത്തില് ഓസീസ് തിരിച്ചുവന്നു. എന്നാല് മെല്ബണില് വിജയിച്ച് ഇന്ത്യ ലീഡ് നേടി. സിഡ്നിയില് മഴ കളിമുടക്കിയതോടെ സമനിലയില് അവസാനിക്കുകയായിരുന്നു. കോലിപ്പട സ്വന്തമാക്കിയ ചില റെക്കോഡുകള് നോക്കാം...
- ഓസ്ട്രേലിയയില് ടെസ്റ്റ് പരമ്പര സ്വന്തമാക്കുന്ന ആദ്യ ഇന്ത്യന് ക്യാപ്റ്റനായി വിരാട് കോലി. ഏഷ്യയില് നിന്നുള്ള മറ്റൊരു ടീമിനും ഓസ്ട്രേലിയയില് പരമ്പര വിജയിക്കാനായിട്ടില്ല.
- മുന്പ് 11 തവണ ഇന്ത്യ ഓസ്ട്രേലിയയില് പര്യടനത്തിനെത്തി. ഇതില് ഒമ്പതിലും ഓസീസിനായിരുന്നു വിജയം. രണ്ട് പരമ്പരകള് സമനിലയില് അവസാനിച്ചു. 1977-98ല് ബിഷന് സിങ് ബേദിയുടെയും 2003ല് സൗരവ് ഗാംഗുലിയുടെയും നേതൃത്വത്തില് പോയ ടീമാണ് സമനില പിടിച്ചത്.
- വിജയത്തോടെ ഓവര്സീസില് 12 വിജയങ്ങളായി കോലിയുടെ പേരില്. ഏറ്റവും കൂടുതല് ഓവര്സീസ് വിജയങ്ങളെന്ന പേരും. മുന് ഇന്ത്യന് ക്യാപ്റ്റന് സൗരവ് ഗാംഗുലിയെയാണ് കോലി പിന്തള്ളിയത്.
- ഓസ്ട്രേലിയയില് കോലിക്ക്് മൂന്ന് ടെസ്റ്റ് വിജയങ്ങളായി. ഇത്രയും വിജയങ്ങള് സ്വന്തമാക്കുന്ന മൂന്നാമത്തെ ഏഷ്യന് ക്യാപ്റ്റനാണ് കോലി. ബിഷന് സിങ് ബേദി, മുഷ്താഖ് മുഹമ്മദ് (പാക്കിസ്ഥാന്) എന്നിവരാണ് മറ്റു ക്യാപറ്റന്മാര്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!