മികച്ച സ്ട്രൈക്കര് താന് തന്നെയെന്ന് പ്രഖ്യാപിച്ച് റൊണാള്ഡോയുടെ ഡ്രീം ടീം
Synopsis
സാവോപോള: ലോക ഫുട്ബോളിലെ കരുത്തരെ അണിനിരത്തി ബ്രസീലിയന് ഇതിഹാസം റൊണാള്ഡോ തന്റെ സ്വപ്ന ടീമിനെ പ്രഖ്യാപിച്ചു. ബ്രസീലിയന് ഇതിഹാസം പെലെയ്ക്കൊപ്പം റൊണാള്ഡോയും മുന്നേറ്റനിരയിലുണ്ട് എന്നതാണ് ശ്രദ്ധേയം. നാല് കാനറികള് ഇടം നേടിയ ടീമില് ഇറ്റാലിയന് ഗോളിയും ജുവന്റസ് ഇതിഹാസവുമായ ജിന്ലുയിഗി ബുഫണാണ് വലകാക്കുക.
അര്ജന്റീനന് ഇതിഹാസങ്ങളായ ലയണല് മെസിയും ഡിഗോ മറഡോണയും നയിക്കുന്ന മധ്യനിരയില് ഫ്രഞ്ച് താരം സിനദീന് സിദാനും ഇറ്റാലിയന് താരം ആന്ദ്രിയോ പിര്ളോയുമുണ്ട്. ഇറ്റാലിയന് ഉരുക്ക് കോട്ടകളായ പൗലോ മാല്ദീനിയും ഫാബിയോ കന്നവരോയുമാണ് ടീമിലെ സെന്ട്രല്ബാക്കുകള്. ബ്രസീല് താരങ്ങളായ കഫുവും റോബോര്ട്ടോ കാര്ലോസും ഇടത്- വലത് കോട്ടകള് കെട്ടും.
പരമ്പരാഗത 4-4-2 ശൈലിയിലാണ് റൊണാള്ഡോ തന്റെ ടീമിനെഅവതരിപ്പിച്ചിരിക്കുന്നത്. ഒട്ടേറേ ഇതിഹാസങ്ങളെ ടീമില് ഉള്പ്പെടുത്താന് കഴിഞ്ഞില്ലെന്ന പരാമര്ശത്തോടെയാണ് മുന് ലോകഫുട്ബോളറായ റൊണാള്ഡോ ഡ്രീം ടീമിനെ പ്രഖ്യാപിച്ചത്. മെസിയൊഴികെയുള്ള നിലവിലെ സൂപ്പര് താരങ്ങളാരും ടീമിലിടം നേടിയില്ല.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!