ഒരു ഗോള് അകലം; റൊണാള്ഡോയെ കാത്തിരിക്കുന്നത് റെക്കോര്ഡ്
Synopsis
മാഡ്രിഡ്: ശനിയാഴ്ച്ച ബാഴ്സലോണക്കെതിരെ നടക്കുന്ന എല് ക്ലാസിക്കോയില് ഒരു ഗോള് നേടിയാല് ക്രിസ്റ്റ്യാനോ റൊണാള്ഡോയെ കാത്തിരിക്കുന്നത് റെക്കോര്ഡ്. ഒരു ഗോള് നേടിയാല് ബാഴ്സലോണക്കെതിരെ റയലിനായി കൂടുതല് ഗോള് നേടിയ ആല്ഫ്രഡോ ഡി സ്റ്റൈഫാനോയുടെ റെക്കോര്ഡിന് ഒപ്പമെത്തും റൊണോ.
റയലിന്റെ ഇതിഹാസതാരവും എക്കാലത്തെയും മികച്ച ഫുട്ബോള് താരങ്ങളിലൊരാളുമായ സ്റ്റൈഫാനോയുടെ പേരില് 18 ഗോളുകളാണുള്ളത്. മികച്ച ഫോമിലുള്ള റൊണാള്ഡോ ഇതിനകം 17 ഗോളുകള് നേടിയിട്ടുണ്ട്. ക്ലബ് ലോകകപ്പ് ഫൈനലില് വിജയഗോള് നേടിയതിന്റെ കരുത്തിലാണ് റൊണാള്ഡോ എല് ക്ലാസിക്കോക്ക് ഇറങ്ങുക.
അതേസമയം എല് ക്ലാസിക്കോയില് കൂടുതല് ഗോളുകള് നേടിയവരുടെ പട്ടികയില് മൂന്നാം സ്ഥാനമേ റയല്മാഡ്രിഡ് താരത്തിനുള്ളൂ. 24 ഗോളുകളുമായി റൊണാള്ഡോയുടെ എതിരാളിയും ബാഴ്സിലോണയുടെ സൂപ്പര്താരവുമായ ലിയോണല് മെസിയാണ് പട്ടികയില് മുന്നില്. സ്കോര് ചെയ്യാനായാല് മെസിക്ക് പട്ടികയില് ബഹുദൂരം മിന്നിലെത്താനാകും.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!