റൊണാള്ഡോ ഹീറോ; ഇറ്റാലിയന് ത്രില്ലറില് യുവന്റസിന് നാടകീയ ജയം
Synopsis
ഒരു ഗോളിന് പിന്നില്നിന്ന ശേഷം രണ്ട് ഗോള് മടക്കിയാണ് യുവന്റസ് വിജയിച്ചത്. നിര്ണായകമായത് റൊണാള്ഡോ നേടിയ പെനാല്റ്റി ഗോള്.
ലാസിയോ: ഇറ്റാലിയന് ലീഗില് ലാസിയോക്കെതിരെ യുവന്റസിന് നാടകീയ ജയം. ഒരു ഗോളിന് പിന്നില്നിന്ന ശേഷം രണ്ട് ഗോള് മടക്കിയാണ് യുവന്റസ് വിജയിച്ചത്. 59-ാം മിനുറ്റില് എമ്റെ കാനെയും ഓണ്ഗോളില് ലാസിയോ മുന്നിലെത്തി. എന്നാല് യുവന്റസ് 74-ാം മിനുറ്റില് കാന്സെലോയിലൂടെ സമനില പിടിച്ചു.
കളി സമനിലയില് അവസാനിക്കുമെന്ന് പ്രതീക്ഷിച്ച മത്സരത്തില് സൂപ്പര് താരം ക്രിസ്റ്റ്യാനോ റൊണാള്ഡോ യുവന്റസിന്റെ രക്ഷകനായി. റോണോയുടെ പെനാല്റ്റിയിലൂടെ 88-ാം മിനുട്ടിലായിരുന്നു യുവന്റസിന്റെ ജയം. ലീഗില് തോല്വിയറിയാതെ മുന്നേറുന്ന യുവന്റസ് 59 പോയിന്റുമായി ഒന്നാം സ്ഥാനത്താണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!