ചെന്നൈ: കൊല്‍ക്കത്ത ഉയര്‍ത്തിയ 202 റണ്‍സ് എന്ന വന്‍ ടോട്ടല്‍ പിന്തുടര്‍ന്ന ചെന്നൈ ചരിത്ര വിജയമാണ് കുറിച്ചത്. ചെന്നൈയ്ക്ക് വേണ്ടി ഓപ്പണിംഗ് ഇറങ്ങി തകര്‍ത്തടിച്ചത് ഷെയ്ന്‍ വാട്സണായിരുന്നു. എവിടെ എറിഞ്ഞാലും സിക്സ് എന്നതായിരുന്നു ചെക്പോക്കിലെ അവസ്ഥ. ഇതിനിടെ വാട്സണിന്റെ സിക്സ് ഗ്രൗണ്ടിനു പുറത്ത് കളി വിലയിരുത്തുകയായിരുന്നു ഒരു മാധ്യമ പ്രവര്‍ത്തകന്റെ ലാപ്‌ടോപ്പും തകര്‍ത്തു. ചെന്നൈ ഇന്നിങ്‌സിന്റെ അഞ്ചാം ഓവറിലായിരുന്നു ലാപ്‌ടോപ് തകര്‍ത്ത സിക്സ് പിറന്നത്. അപ്പോഴേക്കും ചെന്നൈയുടെ സ്‌കോര്‍ 72 ല്‍ എത്തിയിരുന്നു.