രണ്ടാം ടി20: ഇന്ത്യ ആദ്യം ബാറ്റ് ചെയ്യും
Synopsis
സെഞ്ചൂറിയന്: പരമ്പര വിജയം ലക്ഷ്യമിട്ടിറങ്ങുന്ന ഇന്ത്യ ദക്ഷിണാഫ്രിക്കയ്ക്കെതിരായ രണ്ടാം ട്വന്റി-20യില് ആദ്യം ബാറ്റ് ചെയ്യും. ടോസ് നേടിയ ദക്ഷിണാഫ്രിക്ക ഫീള്ഡിംഗ് തെരഞ്ഞെടുക്കുകയായിരുന്നു. ആദ്യ ടി20യില് നിന്ന് ഒരു മാറ്റവുമായാണ് ഇന്ത്യയിറങ്ങുന്നത്. പേസര് ജസ്പ്രീത് ബൂമ്രയ്ക്ക് പകരം ഷാര്ദുല് താക്കൂര് ഇന്ത്യന് നിരയില് കളിക്കും. അതേസമയം മാറ്റങ്ങളില്ലാതെയാണ് ദക്ഷിണാഫ്രിക്ക കളിക്കാനിറങ്ങുന്നത്.
ഇന്ത്യയ്ക്കായി രോഹിത്-ധവാന് സഖ്യം തന്നെ ബാറ്റിംഗ് തുടങ്ങും. സെഞ്ചൂറിയനിലെ സ്പിന്നിന് അനുകൂലമായ പിച്ചില് യുസ്വേന്ദ്ര ചഹലാകും ഇന്ത്യയുടെ തുറുപ്പുചീട്ട്. തിരിച്ചുവരവില് മികച്ച ഇന്നിംഗ്സ് കളിക്കാനായില്ലെങ്കിലും റെയ്നയെയും മനീഷ് പാണ്ഡെയെയും ടീമില് ഇന്ത്യ നിലനിര്ത്തിയിട്ടുണ്ട്. ഇന്ന് ജയിച്ചാല് ഇന്ത്യയ്ക്ക് പരമ്പര സ്വന്തമാക്കാം.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!