ശ്രീലങ്കയ്‌ക്കെതിരെ രണ്ടാം ടെസ്റ്റില്‍ ദക്ഷിണാഫ്രിക്ക മികച്ച ലീഡിലേക്ക്. ഒന്നാം ഇന്നിങ്‌സില്‍ ലങ്കയെ 154ന് പുറത്താക്കി രണ്ടാം ഇന്നിങ്‌സ് ആരംഭിച്ച ദക്ഷിണാഫ്രിക്ക രണ്ടിന് 45 റണ്‍സെടുത്തിട്ടുണ്ട്. 113 റണ്‍സിന്റെ ലീഡാണ് ഇപ്പോള്‍ ആതിഥേയര്‍ക്കുള്ളത്.
പോര്‍ട്ട് എലിസബത്ത്: ശ്രീലങ്കയ്‌ക്കെതിരെ രണ്ടാം ടെസ്റ്റില്‍ ദക്ഷിണാഫ്രിക്ക മികച്ച ലീഡിലേക്ക്. ഒന്നാം ഇന്നിങ്‌സില്‍ ലങ്കയെ 154ന് പുറത്താക്കി രണ്ടാം ഇന്നിങ്‌സ് ആരംഭിച്ച ദക്ഷിണാഫ്രിക്ക ഒടുവില്‍ വിവരം ലഭിക്കുമ്പോള്‍ രണ്ടിന് 45 റണ്‍സെടുത്തിട്ടുണ്ട്. 113 റണ്‍സിന്റെ ലീഡാണ് ഇപ്പോള്‍ ആതിഥേയര്‍ക്കുള്ളത്. ആദ്യ ഇന്നിങ്‌സില്‍ ദക്ഷിണാഫ്രിക്ക 222 റണ്‍സെടുത്തിരുന്നു. 68 റണ്‍സിന്റെ ഒന്നാം ഇന്നിങ്‌സ് ലീഡാണ് ദക്ഷിണാഫ്രിക്ക നേടിയത്.
നാല് വിക്കറ്റ് നേടിയ കംഗീസോ റബാദയാണ് ശ്രീലങ്കയെ തകര്‍ത്തത്. മൂന്നിന് 60 എന്ന നിലയിലാണ് ശ്രീലങ്ക രണ്ടാം ദിനം ആരംഭിച്ചത്. എന്നാല്‍ ശേഷിക്കുന്ന വിക്കറ്റുകള്‍ 94 റണ്‍സിനിടെ ലങ്കയ്ക്ക് നഷ്ടമായി. 42 റണ്‍സ് നേടിയ നിരോഷന്‍ ഡിക്‌വെല്ലയാണ് ലങ്കയുടെ ടോപ് സ്‌കോറര്‍. സ്‌റ്റെയ്‌നിന് പുറമെ ഡുവാന്നെ ഒലിവര്‍ മൂന്ന് വിക്കറ്റ് വീഴ്ത്തി.
രണ്ടാം ഇന്നിങ്‌സിലും ദക്ഷിണാഫ്രിക്കയുടെ തുടക്കം മോശമായിരുന്നു 31 റണ്‍സിനിടെ രണ്ട് വിക്കറ്റുകള്‍ അവര്‍ക്ക് നഷ്ടമായി. എയ്ഡന്‍ മാര്‍ക്രം (18), ഡീന്‍ എല്‍ഗാര്‍ (2) എന്നിവരാണ് പുറത്തായത്. ഹാഷിം അംല (22), തെംബ ബവൂമ (6) എന്നിവരാണ് ക്രീസില്‍.