നെയ്മര്‍ മുതല്‍ റൊണാള്‍ഡീഞ്ഞോ വരെ; ഇതാ അണ്ടര്‍-17 ലോകകപ്പിന്റെ കണ്ടെത്തലുകള്‍

സൂറിച്ച്: ലോക ഫുട്ബോളിന് നാളെയുടെ താരങ്ങളെ സംഭാവന ചെയ്യുന്ന പോരാട്ടവേദിയാണ് അണ്ടര്‍ 17 ലോകകപ്പ്. ഇന്നത്തെ മിക്ക സൂപ്പര്‍ താരങ്ങളുടെയും പിറവി ലോകകപ്പിലൂടെ ആയിരുന്നു. അണ്ടര്‍ 17 ലോകകപ്പുകള്‍ ഫുട്ബോള്‍ പ്രേമികള്‍ക്ക് നല്‍കിയത് ഒരിക്കലും  മറക്കാനാവാത്ത താരങ്ങളെ.

കസീയസ്, നെയ്മര്‍, ടെവസ്, ടോട്ടി, റൊണാള്‍ഡീഞ്ഞോ, ടോറസ്, ഫാബ്രിഗാസ്, ബഫണ്‍, സാവി. അറ്റമില്ലാതെ നീളുന്നു വമ്പന്‍ പേരുകള്‍.

ഇറ്റാലിയന്‍ ഫുട്ബോളിന്റെ രോമാഞ്ചങ്ങളായ ബഫണും ടോട്ടിയും ഉയര്‍ന്നുവന്നത് 1993ലെ അണ്ടര്‍ 17 ലോകകപ്പില്‍. കീസയസ്, സാവി, റൊണാള്‍ഡീഞ്ഞോ എന്നിവര്‍ വരവറിയിച്ചത് 1997ല്‍. 2007ല്‍ ഫാബ്രിഗാസ്, ടോറസ് , ടോണി ക്രൂസ് തുടങ്ങിയവര്‍ ലോകത്തെ വിസ്മയിപ്പിച്ചു. 2009 ലോകകപ്പിന്റെ കണ്ടെത്തലായിരുന്നു ഇപ്പോഴത്തെ ഏറ്റവും വിലയേറിയ താരമായ നെയ്മര്‍.

ഇവരുടെ പിന്‍മുറക്കാരാവാന്‍ പ്രായത്തെ തോല്‍പിക്കുന്ന കളിമികവുമായി ഇത്തവണയും ഒരുകൂട്ടം താരങ്ങള്‍ ഇന്ത്യയിലേക്കെത്തുന്ന, കാല്‍പ്പന്തുലോകത്തെ വിസ്മയിപ്പിക്കാന്‍.