ഐപിഎല്ലിലേക്ക് യു.എ.ഇ താരങ്ങള്ക്ക് സെവാഗിന്റെ ക്ഷണം
Synopsis
ദില്ലി: ഐപിഎല് ടീം പഞ്ചാബ് സൂപ്പര് കിംഗ്സിലേക്ക് യു.എ.ഇ താരങ്ങളെ ക്ഷണിച്ച് വിരേന്ദര് സെവാഗ്. നിരവധി യു.എ.ഇ താരങ്ങളുടെ ബാറ്റിംഗ്-ബൗളിംഗ് പ്രകടനങ്ങള് ഇതിനകം കണ്ട് മനസിലാക്കിയിട്ടുണ്ട്. ഐപിഎല് താരലേലം വരുമ്പോള് അവരില് മികച്ചവരെ ടീമിലെത്തിക്കുമെന്ന് സെവാഗ് വ്യക്തമാക്കി. ഐപിഎല്ലില് പഞ്ചാബ് സൂപ്പര് കിംഗ്സിന്റെ ഉപദേശകനാണ് വീരു.
യു.എ.ഇ താരങ്ങള്ക്ക് ഐപിഎല്ലില് മികവ് കാട്ടാന് കഴിയും. ജനുവരിയില് നടക്കുന്ന ലേലത്തില് താരങ്ങള്ക്ക് മികച്ച പ്രതിഫലം ലഭിക്കുമെന്നാണ് പ്രതീക്ഷയെന്നും സെവാഗ് പറഞ്ഞു. നിലവില് യു.എ.ഇ താരങ്ങളാരും ഐപിഎല്ലില് കളിക്കുന്നില്ല. യു.എ.ഇയില് നടന്ന ടി10 ക്രിക്കറ്റ് ലീഗില് സെവാഗ് ഇതിനിടെ കളിച്ചിരുന്നു. ലീഗില് മറാത്ത അറേബ്യന്സിന്റെ നായകനായിരുന്നു ഇന്ത്യന് മുന് ഓപ്പണര്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!