ദക്ഷിണാഫ്രിക്കയില്‍ ആര് തിളങ്ങും; സേവാഗിന്‍റെ പ്രവചനം

ജോഹന്നാസ്ബര്‍ഗ്: ദക്ഷിണാഫ്രിക്കന്‍ പാര്യടനത്തില്‍ ആര് തിളങ്ങും എന്നാണ് എല്ലാവരുടെയും ചര്‍ച്ച. ദക്ഷിണാഫ്രിക്കന്‍ നിരയില്‍ ലോക ക്രിക്കറ്റിലെ സൂപ്പര്‍ ബോളര്‍മാര്‍ അണിനിരക്കുമ്പോള്‍ ബാറ്റ്‌സ്മാന്‍മാരിലാണ് ആരാധകരുടെ ശ്രദ്ധ മുഴുവനും. രോഹിത്ത് ശര്‍മ്മ, വിരാട് കോലി, ശിഖര്‍ ധവാന്‍, എംഎസ് ധോണി തുടങ്ങിയ പ്രമുഖരാണ് ഇന്ത്യയ്ക്കായി ബാറ്റു വീശുകയെങ്കിലും വിദേശ പിച്ചുകളില്‍ ഇവരുടെ പ്രകടനം കണ്ടറിയേണ്ടിരിക്കുന്നുവെന്നാണ് സോഷ്യല്‍ മീഡിയ പറയുന്നത്.

അതേസമയം, ദക്ഷിണാഫ്രിക്കന്‍ പര്യടനത്തില്‍ ഇന്ത്യന്‍ ക്യാപറ്റന്‍ വിരാട് കോലിയുടെ ഫോമിനെ കുറിച്ച് മുന്‍ ഇന്ത്യന്‍ താരം വീരേന്ദര്‍ സേവാഗിന് സംശയമില്ല. ഇന്ത്യന്‍ ടീമിനായുള്ള നേട്ടങ്ങള്‍ കോഹ്ലി തുടരുമെന്നാണ് സേവാഗ് പറഞ്ഞത്. ദക്ഷിണാഫ്രിക്കന്‍ സാഹചര്യങ്ങളോട് പൊരുതി കോഹ്ലി റണ്ണെടുക്കുന്നത് ടീം ഇന്ത്യയ്ക്കും കോഹ്ലിക്കും നേട്ടമാണെന്നും സേവാഗ് കൂട്ടിച്ചേര്‍ത്തു.

അതേസമയം, ഈ വര്‍ഷം ആരംഭിക്കുന്നത് തന്നെ ഇന്ത്യന്‍ ടീമിനെ അപേക്ഷിച്ച് വെല്ലുവിളിയോടെയാണ്. ദക്ഷിണാഫ്രിക്കന്‍ പര്യടനം ഇന്ത്യന്‍ ടീമിനും കോഹ്ലിക്കും കടുത്ത പരീക്ഷണമായിരിക്കും. സേവാഗ് വ്യക്തമാക്കി.