ലോകത്തിലെ മികച്ച കാണികള്ക്ക് മുന്നില് പന്തുതട്ടാന് കാത്തിരിക്കുന്നു: മലയാളികളോട് വെസ് ബ്രൗണ്
Synopsis
കൊച്ചി: ആര്ത്തിരമ്പുന്ന ബ്ലാസ്റ്റേഴ്സ് കാണികള്ക്ക് മുന്നില് കളിക്കാനുള്ള ആകാംഷ പങ്കിട്ട് വെസ് ബ്രൗണ്. ലോകത്തിലെ മികച്ച കാണികള്ക്ക് മുന്നില് പന്തുതട്ടാന് അക്ഷമനായി കാത്തിരിക്കുന്നതായി വെസ് ബ്രൗണ് പറഞ്ഞു. എല്ലാവരെയും ഉടന് കാണാമെന്ന് ബ്രൗണ് ആരാധകരോടു പറയുന്നു. മുന് മാഞ്ചസ്റ്റര് താരം ബ്ലാസ്റ്റേഴിലെത്തുന്ന കാര്യം കഴിഞ്ഞ ദിവസമാണ് ക്ലബ് സ്ഥിരീകരിച്ചത്. ഇതിനു പിന്നാലെ ട്വിറ്ററിലെ സെല്ഫി വീഡിയോയിലാണ് ബ്രൗണ് മനസു തുറന്നത്.
സെല്ഫി വീഡിയോയിലൂടെ ആരാധകര്ക്ക് സ്വാതന്ത്ര്യ ദിനാശംസകളും വെസ് ബ്രൗണ് നേര്ന്നു. 1996 മുതല് 2011 വരെയാണ് ബ്രൗണ് മാഞ്ചസ്റ്റര് ജെഴ്സി അണിഞ്ഞത്. പിന്നീട് സണ്ടര് ലാന്റിലെത്തിയ താരം 76 മത്സരങ്ങള് കളിച്ചു. മാഞ്ചസ്റ്ററിന്റെ അവസാന ചാമ്പ്യന്സ് ലീഗ് കിരീട നേട്ടത്തില് വെസ് ബ്രൗണിന്റെ പ്രകടനം നിര്ണ്ണായകമായിരുന്നു. ഇംഗ്ലണ്ടിനായി 21 മത്സരങ്ങളില് കളത്തിലിറങ്ങിയ താരം ഒരു ഗോളിനും ഉടമയാണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!