ഏറ്റവും വിലകൂടിയ ഐഫോൺ എക്​സുമായി ആപ്പിൾ

കാലിഫോർണിയ: ആപ്പിളി​ന്‍റെ എറ്റവും വിലകൂടിയ സ്​മാർട്ട്​ഫോൺ എക്​സ്​ ആപ്പിൾ ഈ വര്‍ഷം വിപണിയിലെത്തിക്കുമെന്ന്​ സൂചന. ​ചൈനയിലെ പ്രമുഖ ടെക്​നോളജി വെബ്​സൈറ്റാണ്​ ഇത്​ സംബന്ധിച്ച വാർത്ത പുറത്ത്​ വിട്ടത്​.

ഒഎൽഇഡി ഡിസ്​പ്ലേയോട്​ കൂടിയ 5.8 ഇഞ്ച്​ സ്​ക്രീനാണ്​ പുതിയ ഫോണിനുണ്ടാവുക. 5.5 ഇഞ്ചായിരിക്കും ഡിസ്​​പ്ലേ സൈസ്. സാംസങ്ങി​ന്‍റെ മോഡലുകളോട്​ കിടപിടിക്കുന്നതായിരിക്കും ഈ ഡിസ്​​പ്ലേയെന്നും സൂചനകളുണ്ട്​. ഒപ്​ടികൽ ഫിംഗർ പ്രിൻറ്​ സെൻസറായിരിക്കും എക്​സിന്​. അതുകൊണ്ട്​ തന്നെ ഫിംഗർപ്രിൻറ്​ സ്​കാനർ ഡിസ്​പ്ലേയിൽ തന്നെയാകും ഉണ്ടാവുക.

ഐഫോണിന്‍റെ മൂന്ന്​  വേരിയൻറുകൾ കമ്പനി ഈ വർഷം തന്നെ  വിപണിയിലെത്തിക്കുമെന്ന് നേരത്തെ തന്നെ വാർത്തകൾ വന്നിരുന്നു. അതിലൊന്നാണ്​ എക്​സ്​ എന്നാണ് റിപ്പോര്‍ട്ടുകള്‍.

ഇൻറലി​ന്‍റെറ ശക്​തി കൂടിയ പ്രൊസസറായിരിക്കും ​​ഐഫോൺ എക്​സിന്​. ലേസർ അ​ല്ലെങ്കിൽ ഇൻഫ്രാറെഡ്​ സെൻസറും വയർലെസ്​ ചാർജിങ്​ ടെക്​നോളജിയും ഫോണിനൊപ്പം ഉണ്ടാകുമെന്നാണ് റിപ്പോര്‍ട്ടുകള്‍.

ഐഫോൺ 8നെ കുറിച്ചുള്ള വാർത്തകൾ നേരത്തെ തന്നെ പുറത്ത്​ വന്നിരുന്നു ഇതിന്​ പിന്നാലെയാണ്​ എക്​സിനെ കുറിച്ചുള്ള വിവരങ്ങളും പുറത്ത്​ വരുന്നത്​. ​ഐഫോൺ 8ന്​ സമാനമായ ഫീച്ചറുകളാണ്​ എക്​സിലുമുള്ളത്​.