മുഖം നോക്കാതെ  പ്രവർത്തിക്കില്ല ഇൗ ഐ ഫോൺ 8

വിപണി കാത്തിരിക്കുന്ന ഐ ഫോൺ 8 ഇനി  മുഖം നോക്കാതെ  പ്രവർത്തിക്കില്ല. ഒരു നോട്ടം മതി ഫോൺ നിശബ്​ദമാകാൻ. ഉടമയുടെ മുഖം തിരിച്ചറിഞ്ഞ്​ പ്രവർത്തിക്കുന്ന ​3ഡി സെൻസർ സംവിധാനവുമായി ആപ്പിൾ ഐ ഫോൺ 8 വരുന്നതായി റി​പ്പോർട്ടുകൾ.സെൻസർ വഴി മുഖം തിരിച്ചറിയുന്നതോടെ ഫോൺ യാന്ത്രികമായി അൺലോക്ക്​ ആകുന്നത്​ ഉൾപ്പെടെയുള്ള സംവിധാനങ്ങളാണ്​ ഫോണിൽ വരുന്നതെന്നാണ്​ വിവരം.

ഒട്ടേറെ പ്രവർത്തനങ്ങൾക്ക്​ ഉപ​യോഗിക്കാവുന്നതാണ്​ പുതിയ സെൻസർ എന്നാണ്​ അഭ്യൂഹങ്ങൾ പരക്കുന്നത്​. ഫോണിലേക്ക്​ നോക്കുന്നതോടെ നോട്ടിഫിക്കേഷൻ നിശബ്​ദമാകുന്നത്​ ഉൾപ്പെടെയുള്ള സൗകര്യങ്ങൾ പുതിയ ഫോണിൽ വരുന്നു. ​ഐ ഫോൺ ഒാപ്പറേറ്റിങ്​ സിസ്​റ്റം വികസിപ്പിച്ച ഗുള്‍ഹെര്‍മ് റെമ്പോ തന്നെയാണ്​ ഹോംപോഡ്​ ​ഫേംവെയറിൽ ഒളിപ്പിച്ചുവെക്കുന്ന പുതിയ  കോഡ്​ കണ്ടെത്തിയതും ഇതുവഴി യാന്ത്രികമായി നോട്ടി​ഫിക്കേഷൻ നിശബ്​ദമാക്കുന്നതും വികസിപ്പിച്ചതും.

​

ഐ ഫോൺ 8 രണ്ട് മുൻവശത്തെ കാമറകളും ഇൻഫ്രാറെഡ് സെൻസറോട് കൂടി മുഖം തിരിച്ചറിയാൻ കഴിയുന്ന സാങ്കേതിക വിദ്യയും ഉള്ളതാണെന്നാണ് ടെക്ക് മേഖലയിൽ പരക്കുന്ന അഭ്യൂഹങ്ങൾ. മുഖം തിരിച്ചറിയാനുള്ള 3ഡി സെൻസർ വരുന്നതോടെ ഫോൺ പ്രത്യേകം പാസ്വേഡിലോ ഫിംഗർ പ്രിൻറ് സ്കാനറിലോ സുരക്ഷിതമാക്കേണ്ടിവരില്ല