ഫേസ്ബുക്ക് ഇന്ത്യ തലവന്‍ ഉമാംഗ് ബേദി രാജിവെച്ചു

ദില്ലി: ഫേസ്ബുക്കിന്‍റെ ഇന്ത്യവിഭാഗം തലവന്‍ ഉമാംഗ് ബേദി രാജിവെച്ചു. ഫേസ്ബുക്ക് പുറത്തിറക്കിയ വാര്‍ത്തകുറിപ്പിലാണ് ബേദി സ്ഥാനമൊഴിഞ്ഞ വിവരം പുറത്തുവിട്ടിരിക്കുന്നത്. ഇദ്ദേഹത്തിന് പകരം സന്ദീപ് ഭൂഷണ്‍ സ്ഥാനമേല്‍ക്കും. ഇടക്കാല എംഡി എന്ന ചുമതലയിലാണ് സന്ദീപിന് ചുമതലയുള്ളത്. 

അഡോബ് സിസ്റ്റം ഇന്‍കോര്‍പ്പറേറ്റിന്‍റെ ദക്ഷിണേഷ്യന്‍ എംഡി യായിരുന്നു ഉമാംഗ് ബേദി കഴിഞ്ഞ വര്‍ഷം ജൂലൈയിലാണ് ഫെയ്‌സ്ബുക്ക് ഇന്ത്യയുടെ തലപ്പത്തേക്ക് എത്തുന്നത്. 

എന്നാല്‍ എന്തുകൊണ്ടാണ് രാജിയെന്ന് വ്യക്തമല്ല. ഇദ്ദേഹത്തിന് കീഴില്‍ നല്ലൊരു ടീമിനെ വാര്‍ത്തെടുക്കുന്നതിനും ബിസിനസ് മെച്ചപ്പെടുത്തുന്നതിനും സാധിച്ചതായി ഫേസ്ബുക്ക് കുറിപ്പില്‍ വ്യക്തമാക്കി.