ഫ്ലിപ്കാർട്ടിൽ 'എൻഡ് ഓഫ് സീസൺ സെയിൽ' ആരംഭിച്ചു

രാജ്യത്തെ മുൻനിര ഇ–കൊമേഴ്സ് കമ്പനിയായ ഫ്ലിപ്കാർട്ടിൽ 'എൻഡ് ഓഫ് സീസൺ സെയിൽ' ആരംഭിച്ചു. സ്മാർട്ട്ഫോണുകൾക്ക് വൻ വിലക്കിഴിവാണ് നൽകുന്നത്. ഒക്ടോബർ 25 മുതൽ 28 വരെയാണ് സ്മാർട്ട്ഫോണുകൾക്ക് വൻ ഓഫർ നൽകുന്നത്. നോ–കോസ്റ്റ് ഇഎംഐ, എച്ച്ഡിഎഫ്സി ബാങ്ക് ക്രെഡിറ്റ് കാർഡിന്റെ 10 ശതമാനം ഇളവും ലഭിക്കും. കൂടാതെ, കാർഡ് ഉപയോഗിക്കുന്നവർക്ക് 2500 രൂപ വരെ ഇളവ് ലഭിക്കും.

പ്രീമിയം സ്മാർട്ട്ഫോണുകൾക്ക് (20,000 രൂപയ്ക്ക് മുകളിൽ) ഫ്ലിപ്കാർട്ട് സീസൺ ഓഫ് ലൂഡ് സീറ്റിൽ പ്രത്യേകം ഡിസ്കൗണ്ട് ലഭിക്കും. ഓണർ 8 പ്രോ 3,000 ഡിസ്കൗണ്ടിൽ 26,999 രൂപയ്ക്ക് വാങ്ങാം. സാംസങ്ങ് ഗാലക്സി എസ് 7 ന് 29,990 രൂപയാണ് വില. ഒപ്പോ എഫ്3 പ്ലസ് 24,990 രൂപയ്ക്ക് വാങ്ങാം.

ഐഫോൺ 6 (32 ജിബി)– 23999 രൂപ (ഇളവ് 5501 രൂപ), ഐഫോൺ 6എസ് (32 ജിബി)– 29,999 രൂപ (ഇളവ് 10,001 രൂപ), ഐഫോൺ 7 (128 ജിബി)– 49,999 രൂപ (ഇളവ് 15,201 രൂപ), ഐഫോൺ എസ്ഇ (32 ജിബി)– 18,999 രൂപ (ഇളവ് 7001 രൂപ), ഐഫോൺ 7 പ്ലസ് (128 ജിബി)– 59999 രൂപ (ഇളവ് 16,201 രൂപ), ഐഫോൺ 8 (64 ജിബി)– 60,999 രൂപ (ഇളവ് 3001 രൂപ), ഐഫോൺ 7 പ്ലസ് (256 ജിബി)– 69,999 രൂപ (ഇളവ് 15,401 രൂപ) എന്നിങ്ങനെയാണ് മറ്റു പ്രധാന ഓഫറുകൾ.