ആധാർ ഡാറ്റ മോഷ്ടിച്ച കഥ കേട്ട്​ കണ്ണ് തള്ളി പൊലീസ്​... !!!

ബംഗളുരു: ആധാർ ഡാറ്റ കവർച്ചയുടെ ഞെട്ടിപ്പിക്കുന്ന രീതികള്‍ കേസിലെ മുഖ്യപ്രതിയായ അഭിനവ്​ ശ്രീവാസ്​തവ അന്വേഷണം സംഘത്തിക്​ മുമ്പാകെ പുറത്തുവിട്ടു. ആറ്​ മണിക്കൂർ നീണ്ട പ്രതിയുടെ ഡാറ്റാ കവർച്ചാ രീതിയുടെ അവതരണം അന്വേഷണ സംഘത്തെ അമ്പരപ്പിച്ചു. സർക്കാർ വെബ്​സൈറ്റിൽ നിന്ന്​ ആധാർ വിവരങ്ങൾ ഹാക്ക്​ ചെയ്യുന്ന രീതിയാണ് പ്രതി വിവരിച്ചത്. സൈബർ കുറ്റാന്വേഷണ വിഭാഗം ഇൗ നടപടികൾ ഒന്നടങ്കം വീഡിയോയിൽ പകർത്തുകയും ചെയ്​തിട്ടുണ്ട്​. 

ആധാര്‍ വിവരങ്ങള്‍ കൈകാര്യം ചെയ്യുന്ന ചില വെബ്സൈറ്റുകളിലെ എച്ച്​.ടി.ടി.പി.എസ്​ സുരക്ഷയുടെ അഭാവമാണ് വിവരങ്ങള്‍ ചോര്‍ത്താന്‍ സഹായിച്ചത്. നാഷണല്‍ ഇന്‍ഫര്‍മാറ്റിക്സ് സെന്റര്‍ കൈകാര്യം ചെയ്യുന്ന​  ഇ-ഹോസ്​പിറ്റൽ വെബ്​സൈറ്റിൽ നിന്നാണ് ആധാര്‍ വിവരങ്ങള്‍ ഹാക്ക് ചെയ്തത്.​ ബ്രൗസറും വെബ്​സൈറ്റിനും ഇടയിൽ നടക്കുന്ന വിനിമയങ്ങൾ ഒന്നും തന്നെ രഹസ്യകോഡിലേക്ക്​ (എൻക്രിപ്​റ്റ്​) മാറ്റിയിരുന്നുമില്ല.  ബാങ്കിങ്​, ഒാൺലൈൻ ഷോപ്പിങ്​ ​​പോലുള്ള അതീവ സുരക്ഷാ ഇടപാടുകൾ സുരക്ഷിതമാക്കാൻ വേണ്ടി എച്ച്​.ടി.ടി.പി.എസ്​  ​ ഉപയോഗിക്കാറുണ്ട്. എന്നാല്‍ ആധാര്‍ വിവരങ്ങള്‍ കൈകാര്യം ചെയ്യുന്ന പല സര്‍ക്കാര്‍ വെബ്സൈറ്റുകളിലും ഈ സുരക്ഷാ സംവിധാനമില്ല.

ഖരക്പൂർ ​ഐ.ഐ.ടിയിൽ നിന്ന്​ എം.എസ്​സി ബിരുദം നേടിയ അഭിനവ് ശ്രീവാസ്​ത  ഇ-ഹോസ്​പിറ്റൽ വെബ്​സൈറ്റ്​ ഹാക്ക്​ ചെയ്​തെന്നതിനാണ്​ അറസ്​റ്റിലായത്​.  ആധാർ ആധികാരികത പരിശോധിക്കുന്ന കെ.വൈ.സി യൂസർ ഏജൻസിയാണിത്​. ഇവിടെ നിന്ന് വിവരങ്ങള്‍ മോഷ്ടിച്ച ശേഷം ശ്രീവാസ്​ത ഗൂഗിൾ പ്ലേ സ്​റ്റോറിൽ ഇ-കെ.വൈ.സി എന്ന പേരിൽ ആപ്​ ഒരുക്കി. ആർക്ക്​ വേണമെങ്കിലും ഇതുവഴി ആധാർ ഡാറ്റ ലഭ്യമായിരുന്നു. എന്നാൽ തന്റെ നടപടിയിൽ ക്രിമിനൽ ലക്ഷ്യം ഇല്ലായിരുന്നുവെന്നാണ്​ ഇയാൾ അവകാശപ്പെടുന്നത്.

സാധാരണക്കാർക്ക്​ ആധാർ വിവരങ്ങൾ ലഭ്യമാകാൻ ലക്ഷ്യമിട്ട്  ഒരു ആപ്​ രുപപ്പെടുത്തുകയാണ്​ ചെയ്​തതെന്നാണ്​ ഇയാൾ പറയുന്നത്​. എന്നാല്‍ വെബ്​സൈറ്റ്​ ഹാക്ക്​ ചെയ്​തത്​ തന്നെ ക്രിമിനൽ കുറ്റമാണെന്ന്​ അന്വേഷണ ഉദ്യോഗസ്​ഥർ അറിയിച്ചത്. ഇയാളിൽ നിന്ന്​ പിടിച്ചെടുത്ത നാല്​ ലാപ്​ടോപ്പ്​, ഹാർഡ്​ ഡിസ്​ക്​ എന്നിവ ഫോറൻസിക്​ സയൻസ്​ ലാബിൽ പരിശോധനക്ക്​ അയച്ചിട്ടുണ്ട്​.