ഗൂഗിൾ ട്രാൻസ്‌ലേറ്ററിന് ഇവനൊരു വെല്ലുവിളി? ഓപ്പൺഎഐയുടെ ‘ചാറ്റ്‌ജിപിടി ട്രാൻസ്‌ലേറ്റ്’ വന്നു

ഗൂഗിൾ ട്രാൻസ്‌ലേറ്റിന് വെല്ലുവിളിയായി ഓപ്പൺഎഐ, ചാറ്റ്‌ജിപിടി ട്രാൻസ്‌ലേറ്റ് എന്ന പുതിയ ഉപകരണം അവതരിപ്പിച്ചു. 50-ൽ അധികം ഭാഷകളെ പിന്തുണയ്ക്കുന്ന ഇതിന്, വിവർത്തനത്തിന്റെ ശൈലിയും സ്വരവും (ഔദ്യോഗികം, ലളിതം) ആവശ്യാനുസരണം മാറ്റാൻ സാധിക്കും.

ഗൂഗിൾ ട്രാൻസ്‌ലേറ്റിന്‍റെ ആധിപത്യം നിലനിൽക്കുന്ന വിവർത്തന മേഖലയിലേക്ക് തങ്ങളുടെ പുതിയ ഉപകരണമായ ചാറ്റ്‌ജിപിടി ട്രാൻസ്‌ലേറ്റ് അവതരിപ്പിച്ചുകൊണ്ട് ഓപ്പൺഎഐ. 2026 ജനുവരി 15-നാണ് ഈ ടൂൾ പുറത്തിറക്കിയത്. വെറും വാക്കുകൾ വിവർത്തനം ചെയ്യുന്നതിലുപരി, വായനക്കാർക്കനുസരിച്ച് വിവർത്തനത്തിന്‍റെ ശൈലിയും സ്വരവും മാറ്റാൻ ഇത് ഉപയോക്താക്കളെ അനുവദിക്കുന്നു. ഇതിൽ രണ്ട് ടെക്സ്റ്റ് ബോക്‌സുകൾ ഉണ്ടായിരിക്കും: ഒന്ന് വിവർത്തനം ചെയ്യേണ്ട ഭാഗത്തിനും മറ്റൊന്ന് ഫലത്തിനും വേണ്ടി. 50-ലധികം ഭാഷകൾക്കിടയിൽ വിവർത്തനം ചെയ്യാൻ ഈ ടൂളിന് സാധിക്കും, കൂടാതെ ഭാഷ ഏതാണെന്ന് സ്വയം തിരിച്ചറിയാനുള്ള (Automatic language detection) ശേഷിയുമുണ്ട്.

ഫോൺ ബ്രൗസറുകളിൽ മൈക്രോഫോൺ ഉപയോഗിച്ച് സംസാരിച്ചും വിവർത്തനം ചെയ്യാൻ സാധിക്കും. സാധാരണ വിവർത്തന ടൂളുകളിൽ നിന്ന് ഇതിനെ വ്യത്യസ്തമാക്കുന്നത് വിവർത്തനത്തിന്‍റെ “സ്വരത്തിൽ (Tone)” വരുത്താൻ കഴിയുന്ന മാറ്റങ്ങളാണ്. വിവർത്തനം ചെയ്‌തുകഴിഞ്ഞാൽ, അത് കൂടുതൽ സ്വാഭാവികമാക്കാനോ (Natural), ഔദ്യോഗികമായ (Formal) രീതിയിലേക്ക് മാറ്റാനോ, കുട്ടികൾക്കായി ലളിതമാക്കാനോ (Simplify) അല്ലെങ്കിൽ അക്കാദമിക് ശൈലിയിലേക്ക് മാറ്റാനോ ഉള്ള ഓപ്ഷനുകൾ ലഭ്യമാണ്,. ഈ ഓപ്ഷൻ തിരഞ്ഞെടുക്കുമ്പോൾ ഉപയോക്താവ് പ്രധാന ചാറ്റ് ജിപിടി ഇന്‍റർഫേസിലേക്ക് മാറുകയും അവിടെ കൂടുതൽ തിരുത്തലുകൾ വരുത്താൻ സാധിക്കുകയും ചെയ്യും.

ഗൂഗിൾ ട്രാൻസ്‌ലേറ്റിനെ അപേക്ഷിച്ച് ചില മേഖലകളിൽ ഇത് ഇപ്പോഴും പിന്നിലാണ്:

നിലവിൽ ഡെസ്ക്ടോപ്പിൽ ടെക്സ്റ്റ് മാത്രമേ പിന്തുണയ്ക്കുന്നുള്ളൂ. ചിത്രങ്ങൾ, ഡോക്യുമെന്‍റുകൾ, കൈയക്ഷരം, വെബ്സൈറ്റുകൾ എന്നിവ വിവർത്തനം ചെയ്യാനുള്ള സൗകര്യം നിലവിൽ ലഭ്യമല്ല. ഗൂഗിൾ പരീക്ഷിച്ചുകൊണ്ടിരിക്കുന്ന ‘ലൈവ് കോൺവർസേഷൻ’ (തത്സമയ സംഭാഷണ വിവർത്തനം) ഇതിൽ ലഭ്യമല്ല. നിലവിൽ ഗൂഗിൾ ട്രാന്‍സ്‌ലേറ്റ് കൂടുതൽ പൂർണ്ണമായ ഒരു ടൂളായി തുടരുന്നുണ്ടെങ്കിലും, വിവർത്തനത്തെ കൂടുതൽ ഫലപ്രദമായി ഉപയോഗിക്കാൻ സഹായിക്കുന്ന ശൈലിയിലാണ് ഓപ്പൺഎഐയുടെ ഈ പുതിയ നീക്കം.