നോക്കിയ 7 ഇറങ്ങി: ഫോട്ടോയെടുപ്പില് "ബോത്തി" പ്രത്യേകതയുമായി
Synopsis
ഒറ്റനോട്ടത്തില് പാവപ്പെട്ടവന്റെ നോക്കിയ 8 എന്ന് വിശേഷിപ്പിക്കാവുന്ന ഫോണ് ആണ് നോക്കിയ 7. ഒക്ടോബര് 24 മുതല് ചൈനീസ് വിപണിയില് അരങ്ങേറ്റം പ്രതീക്ഷിക്കുന്ന ഫോണിന്റെ വില ഇപ്പോള് പ്രഖ്യാപിച്ച ചൈനീസ് വില പ്രകാരം 24,500ന് അടുത്താണ് വില വരുക.
എന്നാണ് ഇന്ത്യയില് ഈ ഫോണ് എത്തുക എന്ന് വ്യക്തമല്ല. നോക്കിയ 6ന്റെ ലോഞ്ചിംഗ് പോലെ ചൈനയില് ഇറങ്ങിയതിനാല് ഇന്ത്യയില് എത്താന് വൈകിയേക്കാം. നോക്കിയ പുതിയ സീരിസില് ഗ്ലാസ് ബാക്ക് കവറോടെ എത്തുന്ന ആദ്യ ഫോണ് ആണ് നോക്കിയ7.
ക്യൂവല്കോം സ്നാപ്ഡ്രാഗണ് 630 പ്രോസ്സര് ആണ് ഈ ഫോണിലുള്ളത്. 4ജിബി, 6ജിബി റാം ശേഷിയില് രണ്ട് ഫോണുകള് നോക്കിയ 7 ല് ഇറങ്ങുന്നുണ്ടെങ്കിലും. രണ്ടിന്റെയും ഇന്റേണല് മെമ്മറി ശേഷി 64ജിബിയാണ്. 5.2 ഇഞ്ചാണ് സ്ക്രീന് വലിപ്പം 10802പി റെസല്യൂഷനാണ് സ്ക്രീനിന് ഉള്ളത്. ഗോറില്ല ഗ്ലാസ് 3 സംരക്ഷണം സ്ക്രീനിനുണ്ട്. ആന്ഡ്രോയ്ഡ് ന്യൂഗട്ട് ആണ് ഇതിലെ ഓപ്പറേറ്റിംഗ് സിസ്റ്റം. ആന്ഡ്രോയ്ഡ് ഓറിയോയിലേക്ക് നേരിട്ട് മാറ്റം ലഭിക്കും. 3000 എംഎഎച്ചാണ് ബാറ്ററി ശേഷി.
മുന്നില് 5എംപിയും പിന്നില് 16 എംപിയുമാണ് നോക്കിയ 7ന്റെ ക്യാമറ പ്രത്യേകത. ഇതില് ബോത്തി എന്ന സംവിധാനമുണ്ട്. ഇത് പ്രകാരം ഇരു ക്യാമറകളും ഒന്നിച്ച് പ്രവര്ത്തിപ്പിക്കാം. നേരത്തെ നോക്കിയ 8ല് ഈ പ്രത്യേകത അവതരിപ്പിച്ചിരുന്നു. ടെക് സൈറ്റായ വെര്ജിന്റെ അഭിപ്രായത്തില് ഇത് ഒരു ഗിമ്മിക്ക് ആണെന്ന് പറയാമെങ്കിലും സ്നാപ്ചാറ്റിലും, ഇന്സ്റ്റഗ്രാമിലും മറ്റും പുതിയ വ്യത്യസ്ത ചിത്രങ്ങള് ഈ പ്രത്യേകത നല്കും.
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam