നന്ദു കുറ്റക്കാരിയല്ലെന്ന് വിധി പറഞ്ഞ് കോടതി. പത്തരമാറ്റ് സീരിയൽ റിവ്യൂ

നന്ദു തന്റെ ഭാഗം കോടതിയിൽ വാദിച്ചുകൊണ്ടിരിക്കുകയാണ്. ഏതാണ്ട് കാര്യങ്ങളെല്ലാം നന്ദുവിന് അനുകൂലമായ മട്ടാണ്. എന്നാൽ അതോടൊപ്പം സി സി ടി വി ദൃശ്യങ്ങൾ കൂടി നന്ദു കോടതിയിൽ സമർപ്പിക്കുന്നു. മാരാർ വക്കീൽ ദൃശ്യങ്ങളടങ്ങിയ പെൻഡ്രൈവ് ജഡ്ജിന് കൈമാറുന്നു. ദൃശ്യങ്ങൾ കണ്ട ജഡ്ജിന് എന്താണ് യഥാർത്ഥത്തിൽ സംഭവിച്ചതെന്ന് മനസ്സിലാവുന്നു. കേസിന്റെ നിജസ്ഥിതി പേരിനുപോലും അന്വേഷിക്കാതെ നന്ദുവിനെ കോടതിയിലെത്തിച്ച എസ് ഐ ക്ക് ജഡ്‌ജി കണക്കിന് കൊടുത്തു. ഒടുവിൽ നന്ദുവിനെ നിരുപാധികം വിട്ടയക്കുകയും കേസിന്റെ തുടരന്വേഷണം സി ഐ ക്ക് കൈമാറുകയും ചെയ്തു. വിധി വന്നതോടെ നവ്യക്കും നയനയ്ക്കും സന്തോഷമായി. അനാമികയുടെ അച്ഛനോടും, കള്ള സാക്ഷി പറഞ്ഞ പെണ്ണിനോടും, ഒപ്പമുള്ള പയ്യനോടും  വേണ്ട രീതിയിൽ മറുപടി പറഞ്ഞ ശേഷം നന്ദുവും നയനയും നവ്യയും കൂടി വീട്ടിലേയ്ക്ക് പോകുന്നു.