യുറേനിയം മാറ്റുന്നത് സുരക്ഷിതമോ? ഇതിന് മുമ്പ് യുറേനിയം മാറ്റിയിട്ടുണ്ടോ? | Iran Nuclear Program

ഇറാൻ അവരുടെ പക്കലുള്ള ഉയർന്ന അളവിൽ സമ്പുഷ്ടീകരിച്ച യുറേനിയം ശേഖരം കൈവശം വെക്കാൻ അനുവദിക്കില്ലെന്ന് യുഎസ് പ്രസിഡന്റ് ഡൊണാൾഡ് ട്രംപ് വ്യാഴാഴ്ചയും ആവർത്തിച്ചിരുന്നു. എന്നാൽ, ഇറാന്റെ സമ്പുഷ്ടീകരിച്ച യുറേനിയം വിദേശത്തേക്ക് അയക്കരുതെന്ന് ഇറാന്റെ പരമോന്നത നേതാവ് അയത്തുള്ള മൊജ്തബ ഖമേനി നിർദ്ദേശം നൽകിയതായും റോയിറ്റേഴ്സ് റിപ്പോർട്ട് ചെയ്യുന്നുണ്ട്. യുഎസും ഇറാനും തമ്മിലുള്ള സമാധാന ചർച്ചകളിലെ പ്രധാന തർക്കവിഷയമായി തുടരുന്നത്, ഇറാൻ കൈവശം വെച്ചിട്ടുണ്ടെന്ന് കരുതപ്പെടുന്ന 60 ശതമാനം വരെ സമ്പുഷ്ടീകരിച്ച ഏകദേശം 440 കിലോഗ്രാം (970 പൗണ്ട്) യുറേനിയത്തിന്റെ ഭാവിയാണ്.