എച്ച് ഐ വി പോസിറ്റീവായ കാമുകന്റെ രക്തം സ്വശരീരത്തില്‍ കുത്തിവെച്ച് പതിനഞ്ചുകാരി!

എന്തിനാണ്, ഈ ചെറുപ്പക്കാരന്‍ അറസ്റ്റിലായത് എന്നറിഞ്ഞാല്‍, ആരും ഞെട്ടും. എച്ച് ഐ വി പോസിറ്റീവായ ഈ യുവാവിന്റെ രക്തം സിറിഞ്ചില്‍ കുത്തിയെടുത്ത് സ്വന്തം ശരീരത്തില്‍ കുത്തിവെക്കുകയായിരുന്നു 15 വയസ്സു മാത്രമുള്ള കാമുകി. 

അസമില്‍ കഴിഞ്ഞ ദിവസം ഒരു ചെറുപ്പക്കാരന്‍ പൊലീസ് പിടിയിലായി. എച്ച് ഐ വി പോസിറ്റീവായ ചെറുപ്പക്കാരന്‍ അറസ്റ്റിലായത് വിചിത്രവും അസാധാരണവുമായ ഒരു കാരണത്താലാണ്. ഇയാളല്ല, കേവലം 15 വയസ്സു മാത്രമുള്ള കാമുകിയാണ് ഈ ചെറുപ്പക്കാരന്റെ അറസ്റ്റിന് ഇടവരുത്തിയത്് 

എന്തിനാണ്, ഈ ചെറുപ്പക്കാരന്‍ അറസ്റ്റിലായത് എന്നറിഞ്ഞാല്‍, ആരും ഞെട്ടും. എച്ച് ഐ വി പോസിറ്റീവായ ഈ യുവാവിന്റെ രക്തം സിറിഞ്ചില്‍ കുത്തിയെടുത്ത് സ്വന്തം ശരീരത്തില്‍ കുത്തിവെക്കുകയായിരുന്നു 15 വയസ്സു മാത്രമുള്ള കാമുകി. വീട്ടുകാരാരും അറിയാതെയായിരുന്നു ഈ സാഹസം. സംഭവം പുറത്തുവന്നതോടെ െപാലീസ് പെണ്‍കുട്ടിയെ മെഡിക്കല്‍ നിരീക്ഷണത്തിലാക്കി. ചെറുപ്പക്കാരനെ അറസ്റ്റ് ചെയ്യുകയും ചെയ്തു. 

അസമിലെ സുവല്‍കുചി ജില്ലയിലാണ് സംഭവം നടന്നത്. 15 വയസ്സുകാരിയായ പെണ്‍കുട്ടി മൂന്ന് വര്‍ഷം മുമ്പാണ് സദോലയ്ക്കടുത്തുള്ള ഹജോ നിവാസിയായ ഈ ചെറുപ്പക്കാരനുമായി പ്രണയത്തിലായതെന്ന് പൊലീസ് പറയുന്നു. ഫേസ്ബുക്ക് വഴിയാണ് ഇയാളെ ഈ പെണ്‍കുട്ടി പരിചയപ്പെട്ടത്. അന്നു മുതല്‍ കട്ടപ്രണയത്തിലായിരുന്നു പെണ്‍കുട്ടി. പല പ്രാവശ്യം പെണ്‍കുട്ടി ഈ ചെറുപ്പക്കാരന്റെ കൂടെ വീടു വിട്ടിറങ്ങിപ്പോയി. അന്നൊക്കെ രക്ഷിതാക്കള്‍ കുട്ടിയെ വീട്ടിലേക്ക് വിളിച്ചു കൊണ്ടു വരികയും ചെയ്തു. 

എന്നാല്‍, ഇത്തവണ മുമ്പൊരിക്കലും ചെയ്യാത്ത കടുംകൈയ്ക്കാണ് പെണ്‍കുട്ടി മുതിര്‍ന്നത്. കാമുകന്‍ എച്ച് ഐ വി പോസിറ്റീവാണ് എന്നറിയുന്ന പെണ്‍കുട്ടി  അവനെ തനിച്ച് മരണത്തിലേക്ക് വിടണ്ട എന്ന തീരുമാനത്തിലാണ് ഈ കടുംകൈ ചെയ്തത് എന്നാണ് അസമില്‍നിന്നുള്ള റിപ്പോര്‍ട്ടുകള്‍. എന്നാല്‍, അവനോടുള്ള പ്രണയം തെളിയിക്കുകയായിരുന്നു യുവതിയുടെ ഉദ്ദേശ്യമെന്നാണ് പൊലീസിനെ ഉദ്ധരിച്ച് ചില മാധ്യമങ്ങള്‍ റിപ്പോര്‍ട്ട് ചെയ്തത്. 

എന്തായാലും സംഭവം പുറത്തുവന്നതോടെ സോഷ്യല്‍ മീഡിയയില്‍ വലിയ ചര്‍ച്ചയ്ക്കാണ് ഇതിടയാക്കിയത്. പ്രണയത്തിനു പരിധിയില്ല എന്നു തെളിയിക്കുന്നതാണ് ഈ സംഭവമെന്ന് ചിലര്‍ വിലയിരുത്തുമ്പോള്‍, ഞെട്ടലും അമ്പരപ്പും പ്രകടിപ്പിക്കുകയാണ് മറ്റ് നിരവധി പേര്‍. പെണ്‍കുട്ടിയുടെ മാതാപിതാക്കള്‍ എന്തു ചെയ്യുകയായിരുന്നു എന്നാണ് മറ്റ് ചിലര്‍ ചോദിക്കുന്നത്. പരിഹാസവും പുച്ഛവും വിമര്‍ശനവും ഒരു പോലെ നിറയുന്നുണ്ട് ട്വിറ്ററിലും മറ്റുള്ള അഭിപ്രായ പ്രകടനങ്ങളില്‍.