വെള്ളത്തിലും അന്യ​ഗ്രഹജീവിയോ? ഒടുവിൽ കണ്ടെത്തി സമുദ്രത്തെ ഭരിച്ചിരുന്ന ആ പുരാതനമത്സ്യത്തിന്റെ രഹസ്യം

1957 -ൽ പോളണ്ടിൽ വച്ചാണ് ഈ മീനിന്റെ ഫോസിൽ ആദ്യമായി ​ഗവേഷകർ കുഴിച്ചെടുത്തത്. എന്നാൽ, അന്ന് ഈ മീനിന്റെ വായയുടെ ഭാഗത്തു നിന്നും ഒരു വടിവാളിന്റെ ആ​കൃതിയിൽ നീണ്ടുനിൽക്കുന്ന ഭാഗം എന്താണെന്ന് ഗവേഷകർക്ക് പിടികിട്ടിയിരുന്നില്ല.

ഏകദേശം 375 ദശലക്ഷം വർഷങ്ങൾക്ക് മുമ്പ് സമുദ്രത്തിൽ യഥേഷ്ടം വിഹരിച്ചിരുന്ന ഒരു പുരാതന മത്സ്യം ഉണ്ടായിരുന്നു. കാഴ്ചയിൽ നാം ഇന്ന് കാണുന്ന മീനുകളിൽ നിന്നും അൽപ്പം വ്യത്യസ്തമായിരുന്നു അതിന്റെ രൂപം. ആ രൂപഘടനയെക്കുറിച്ചള്ള പഠനത്തിലായിരുന്നു ​​ഗവേഷകർ കഴിഞ്ഞ കുറച്ച് കാലങ്ങളായി. 

ഏലിയാനകാന്തസ് എന്ന പേരിൽ അറിയപ്പെടുന്ന ഈ മത്സ്യത്തിന്റെ വായയുടെ ഭാ​ഗത്തു നിന്നും പുറത്തേക്ക് നീണ്ട് നിന്നിരുന്ന ഒരു ഭാ​ഗമായിരുന്നു ​ഗവേഷകരെ വലച്ചിരുന്നത്. ഇപ്പോഴിതാ റോയൽ സൊസൈറ്റി ഓപ്പൺ സയൻസ് എന്ന ജേണലിൽ പ്രസിദ്ധീകരിച്ച ​ഗവേഷണ റിപ്പോർട്ടിൽ പറയുന്നത് വടിവാൾ പോലെ നീണ്ട ഈ ഭാ​ഗം മത്സ്യത്തിന്റെ കീഴ്ച്ചുണ്ടാണെന്നാണ്.

1957 -ൽ പോളണ്ടിൽ വച്ചാണ് ഈ മീനിന്റെ ഫോസിൽ ആദ്യമായി ​ഗവേഷകർ കുഴിച്ചെടുത്തത്. എന്നാൽ, അന്ന് ഈ മീനിന്റെ വായയുടെ ഭാഗത്തു നിന്നും ഒരു വടിവാളിന്റെ ആ​കൃതിയിൽ നീണ്ടുനിൽക്കുന്ന ഭാഗം എന്താണെന്ന് ഗവേഷകർക്ക് പിടികിട്ടിയിരുന്നില്ല. കഴിഞ്ഞ കുറച്ച് കാലങ്ങളായി ഇതേകുറിച്ചുള്ള പഠനത്തിലായിരുന്നു ​ഗവേഷകസംഘം. എന്നാൽ ഇപ്പോൾ പുതിയ ഗവേഷണത്തിലാണ്, സം​ഗതി മറ്റൊന്നുമല്ല ഏലിയാനകാന്തസ് എന്ന ഈ മത്സ്യത്തിന്റെ കീഴ്ച്ചുണ്ടാണന്ന് ഗവേഷകർ കണ്ടെത്തിയത്. അന്യഗ്രഹജീവികളുടെ ഇംഗ്ലീഷ് വാക്കായ ഏലിയനിൽ നിന്നാണ് ഏലിയാനകാന്തസ് എന്ന പേര് ഈ മീനിനു വന്നത്.

പ്ലാക്കോഡേം എന്ന ഇനത്തിൽപെട്ട മത്സ്യങ്ങളാണ് ഇവ. കവചമുള്ള മീനുകളെ പറയുന്ന പേരാണ് പ്ലാക്കോഡേം. ഇന്നത്തെ സ്വോഡ്ഫിഷുമായി ചെറിയ രൂപസാദൃശ്യം ഇവ പുലർത്തിയിരുന്നെന്നാണ് ഗവേഷകർ പറയുന്നത്. സ്വിറ്റ്‌സർലൻഡിലെ സൂറിച്ച് സർവകലാശാലയിലെ പാലിയന്റോളജിസ്റ്റായ മെലീന ജോബിൻസന്റെ നേതൃത്വത്തിലുള്ള  ഗവേഷകരുടെ സംഘമാണ് ഇപ്പോഴത്തെ ഈ കണ്ടത്തലിന് പിന്നിൽ.

ഭൗമചരിത്രത്തിലെ ഡെവോണിയൻ എന്ന കാലയളവിലാണ് ഈ മത്സ്യം ജീവിച്ചിരുന്നത്. പോളണ്ടിൽ ഇതിന്റെ ഫോസിൽ ആദ്യമായി കണ്ടെത്തിയ ശേഷം പല ഫോസിലുകൾ മധ്യ പോളണ്ടിലും മൊറോക്കോയിലുമായി കണ്ടെത്തിയിരുന്നു.

ഏഷ്യാനെറ്റ് ന്യൂസ് ലൈവ് കാണാം: 

ഏഷ്യാനെറ്റ് ന്യൂസ് വാർത്തകൾ തത്സമയം കാണാം