'അതൊരു ഡിനോസറിനെപ്പോലെയുണ്ടായിരുന്നു.'' ആ വീഡിയോ കണ്ടതിനു ശേഷം നിരവധി പേര്‍ ട്വിറ്ററില്‍ എഴുതി.
''അതൊരു ഡിനോസറിനെപ്പോലെയുണ്ടായിരുന്നു.''
ആ വീഡിയോ കണ്ടതിനു ശേഷം നിരവധി പേര്‍ ട്വിറ്ററില്‍ എഴുതി. അത്ര അമ്പരപ്പിക്കുന്നതായിരുന്നു, അമേരിക്കയില്‍നിന്നുള്ള ആ ചീങ്കണ്ണിയുടെ വീഡിയോ. ഇത്ര ഭീകരനാണ് ചീങ്കണ്ണിയെന്ന് ഒരിക്കലും കരുതിയില്ല എന്നതായിരുന്നു പലരുടെയും പ്രതികരണങ്ങള്‍.
വ്യാഴാഴ്ചയാണ് ടെയിലര്‍ സോപ്പര്‍ എന്നയാള്‍ ട്വിറ്ററില്‍ ആ വീഡിയോ പോസ്റ്റ് ചെയ്തത്. അതിനു പിന്നാലെ വീഡിയോ വൈറലായി.
വീഡിയോയിലുള്ളത് ഒരു കൂറ്റന്‍ ചീങ്കണ്ണിയാണ്. അത് മറ്റൊരു ചെറിയ ചീങ്കണ്ണിയോട് മല്‍പ്പിടിത്തം നടത്തുന്നു. അടുത്ത
്‌നിമിഷത്തില്‍ വലിയ വായ തുറന്ന് അത് ചെറിയ ചീങ്കണ്ണിയെ വിഴുങ്ങാന്‍ ശ്രമിക്കുന്നു.
തരന്റെ പിതാവാണ് ആ വീഡിയോ പകര്‍ത്തിയത് എന്ന് ടെയിലര്‍ സോപ്പര്‍ പിന്നീട് യു എസ് എ ടുഡേയോട് പറഞ്ഞു. വീടിന്റെ പിന്‍വശത്തുള്ള കായലിലാണ് ഈ സംഭവം നടന്നത്. കൊച്ചുമകനുമായി ഈ ചീങ്കണ്ണികളെ കാണാന്‍ പതിവായി പോവാറുള്ള പിതാവ്, അസാധാരണമായ ഈ കാഴ്ച കണ്ട് മൊബൈലില്‍ ഫോണില്‍ പകര്‍ത്തിയതാണ് എന്നും സോപ്പര്‍ പറഞ്ഞു.
This happened in my parents backyard today… The snack is a 6ft gator pic.twitter.com/O7Omsw42uL
— Taylor Soper 🤙🏻 (@Soper_TandC)''അദ്ദേഹമാകെ ഭയന്നു പോയി. ജുറാസിക് പാര്‍ക്ക് സിനിമ കാണുന്നതു പോലെ ഉണ്ടായിരുന്നു അത് എന്നാണ് അദ്ദേഹം പറഞ്ഞത്. ആറടി നീളമുള്ള ഒരു ചീങ്കണ്ണിയെയാണ് വലിയ ചീങ്കണ്ണി വിഴുങ്ങിയത്. വീഡിയോ കൊച്ചു മകനെ കാണിച്ചപ്പോള്‍ അവനാകെ ഭയത്തിലായി. ഈ ചീങ്കണ്ണികളുടെ വലിയ ആരാധകനായിരുന്നു അവന്‍. ''-സോപ്പര്‍ അഭിമുഖത്തില്‍ പറഞ്ഞു.
സോഷ്യല്‍ മീഡിയാ അക്കൗണ്ട് ഒന്നുമില്ലാത്ത പിതാവ്, വീഡിയോയ്ക്ക് കിട്ടുന്ന ജനപ്രീതി കണ്ട് അമ്പരന്നതായി സോപ്പര്‍ പറയുന്നു.