ട്രെൻഡിനൊപ്പം! ഗ്രോക്ക് ഉപയോഗിച്ച് ചാറ്റ്ജിപിടിയുടെ സഹായത്തോടെ കിടിലൻ ജിബ്‌ലി ചിത്രങ്ങളുണ്ടാക്കാം

xAI-യുടെ ഗ്രോക്ക് ചാറ്റ്ബോട്ട് കൊണ്ട്  ചാറ്റ്ജിപിടിയുടെ സഹായത്തോടെ കൂടുതൽ മികച്ച ചിത്രങ്ങൾ സൃഷ്ടിക്കാനാകും. 

ലോകത്ത് ചാറ്റ്ജിപിടി 4o-ന്‍റെ 'സ്റ്റുഡിയോ ജിബ്‌ലി' ഇന്‍റര്‍നെറ്റില്‍ വലിയ തരംഗമായിരിക്കുകയാണ്. നിങ്ങളുടെ ഫോട്ടോയെ വിവിധ തീമുകളിലുള്ള എഐ ചിത്രങ്ങളാക്കി മാറ്റുന്ന ചാറ്റ്ജിപിടി 4o-യുടെ ടെക്നിക്കാണ് ആളുകളുടെ ശ്രദ്ധയാകര്‍ഷിച്ചത്. xAI-യുടെ ഗ്രോക്ക് ചാറ്റ്ബോട്ട് കൊണ്ട്  ചാറ്റ്ജിപിടിയുടെ സഹായത്തോടെ കൂടുതൽ മികച്ച ചിത്രങ്ങൾ സൃഷ്ടിക്കാനാകും. 

1. ചാറ്റ്ജിപിടി വെബ്‌സൈറ്റോ ആപ്പോ തുറക്കുക. നിങ്ങൾക്ക് സൃഷ്ടിക്കാൻ ആഗ്രഹിക്കുന്ന ചിത്രത്തെക്കുറിച്ചുള്ള ആശയം ചാറ്റ്ബോട്ടിന് നൽകുക. കഴിയുന്നത്ര വിശദാംശങ്ങൾ നൽകാൻ ശ്രമിക്കുക.

2. ഗ്രോക്കിൽ നിന്ന് ആവശ്യമുള്ള ചിത്രം സൃഷ്ടിക്കുന്നതിനുള്ള ടെക്സ്റ്റ് പ്രോംപ്റ്റ് സൃഷ്ടിക്കാൻ ചാറ്റ്ജിപിറ്റിയോട് ആവശ്യപ്പെടുക.

3. ഗ്രോക്ക് ആപ്പ് തുറന്ന് ചാറ്റ്ജിപിടി സൃഷ്ടിച്ച ടെക്സ്റ്റ് പ്രോംപ്റ്റ് ഉപയോഗിക്കുക.

4. ഏതാനും നിമിഷങ്ങൾക്കുള്ളിൽ നിങ്ങൾ ആഗ്രഹിക്കുന്ന ചിത്രം സൃഷ്ടിക്കപ്പെടും. കൂടുതൽ മാറ്റങ്ങൾ വരുത്തണമെങ്കിൽ, ചാറ്റ്ജിപിടിയുടെ സഹായത്തോടെ മാറ്റങ്ങൾ വരുത്താൻ ഗ്രോക്കിനോട് ആവശ്യപ്പെടുക.

ഗ്രോക്ക് പ്രവർത്തിക്കുന്നത് കഴിഞ്ഞ മാസം പുറത്തിറക്കിയ xAI-യുടെ ഏറ്റവും പുതിയ ഫൗണ്ടേഷൻ മോഡലായ അതേ പേരിലുള്ള (ഗ്രോക്ക് 3) മോഡലിലാണ്. ചാറ്റ്ബോട്ട് ഏറെക്കാലമായി ഏക്സ് സബ്‌സ്‌ക്രൈബർമാർക്ക് മാത്രമായി പരിമിതപ്പെടുത്തിയിരുന്നെങ്കിലും, ഡീപ്‌സീക്ക്, ക്യുവാൻ തുടങ്ങിയ ചൈനീസ് എഐ സ്ഥാപനങ്ങളിൽ നിന്നുള്ള വർദ്ധിച്ചുവരുന്ന മത്സരത്തെത്തുടർന്ന് ഇലോൺ മസ്‌കിന്റെ നേതൃത്വത്തിലുള്ള കമ്പനി ഇത് എല്ലാവര്‍ക്കും സൗജന്യമാക്കിയിരുന്നു.