ഫ്ലിപ്കാർട്ട് ബിഗ് ഷോപ്പിംഗ് ഡേയ്‌സ് സെയിൽ; 80 ശതമാനം വരെ ഓഫര്‍

ലാപ്ടോപ്പുകൾക്കും ക്യാമറകൾക്കും ഇലക്ട്രോണിക് ഉത്പന്നങ്ങൾക്കും 80% വരെയാണ് ഡിസ്‌കൗണ്ട് ലഭിക്കുക.  ടിവികൾക്കും മറ്റ് അപ്ലയൻസുകൾക്കും 75% വരെ വിലക്കുറവാണുണ്ടാവുക. 

ബംഗലൂരു: ഇ-കോമേഴ്‌സ് സൈറ്റായ ഫ്ലിപ്കാർട്ട് വീണ്ടും ബിഗ് ഷോപ്പിംഗ് ഡേയ്‌സ് സെയിൽ അവതരിപ്പിക്കുന്നു. ബിഗ് ഷോപ്പിംഗ് ഡേയ്‌സ് സെയിലിൽ എച്ച്ഡിഎഫ്സി ബാങ്കിന്‍റെ കാർഡുകൾ ഉപയോഗിച്ച് സാധനങ്ങൾ വാങ്ങുന്നവർക്ക് പത്ത് ശതമാനം ഇൻസ്റ്റന്റ് ഡിസ്‌കൗണ്ട് ലഭിക്കും. ഈ ആനുകൂല്യം ഇഎംഐ ഇടപാടുകൾക്കും ലഭിക്കും. ഡിസംബർ ഒന്ന് മുതൽ ഡിസംബർ അഞ്ച് വരെയാണ് ഫ്ലിപ്പ്കാർട്ടിൽ ഓഫർ വില്പന നടക്കുക.

ലാപ്ടോപ്പുകൾക്കും ക്യാമറകൾക്കും ഇലക്ട്രോണിക് ഉത്പന്നങ്ങൾക്കും 80% വരെയാണ് ഡിസ്‌കൗണ്ട് ലഭിക്കുക.  ടിവികൾക്കും മറ്റ് അപ്ലയൻസുകൾക്കും 75% വരെ വിലക്കുറവാണുണ്ടാവുക. സെയിലിലൂടെ മൊബൈൽ വാങ്ങുന്നവർക്ക് നോ കോസ്റ്റ് ഇഎംഐ, കാർഡ്‌ലെസ്സ് ക്രെഡിറ്റ്, എക്സ്ചേഞ്ച് ഓഫർ എന്നീ ആനുകൂല്യങ്ങൾ ലഭിക്കുമെന്നാണ് റിപ്പോർട്ട്.

12,999 രൂപയ്ക്ക് ബേസിക് 4 ജിബി റാം 64 ജിബി സ്റ്റോറേജ് മോഡൽ റിയൽമി 5 പ്രൊ സ്മാർട്ഫോൺ  വാങ്ങാനാവും. 16,999 രൂപ വിലയിൽ ലോഞ്ച് ചെയ്ത റിയൽമിയുടെ തന്നെ റിയൽമി X 14,999 രൂപയ്ക്കാണ് ലഭിക്കുക. പ്രീപെയ്ഡ് ട്രാൻസാക്ഷനിലെ 1,000 രൂപ ഓഫ് അടക്കമാണ് ഈ വില.  

9,999 രൂപ വിലയുള്ള ബജറ്റ് സ്മാർട്ഫോണായ റിയൽമി 5 ഫ്ലിപ്കാർട്ട് സെയിലിൽ 8,999 രൂപയ്ക്കാണ് ലഭിക്കുക. 665 AIE പ്രോസസറിലാണ്  നാല് ക്യാമറകളുള്ള റിയൽമിയുടെ റിയൽമി 5 സ്‌നാപ്ഡ്രാഗണ്‍ പ്രവർത്തിക്കുന്നത്. പ്രധാന ക്യാമറ 12 എംപിയാണ്.