Netflix : റഷ്യയിൽ ഇനി നെറ്റ്ഫ്ലിക്സ് ലഭ്യമല്ല; സേവനങ്ങൾ താത്ക്കാലികമായി നിർത്തിവെച്ചു
Synopsis
റഷ്യയിലെ എല്ലാ സേവനങ്ങളും താല്ക്കാലികമായി നെറ്റ്ഫ്ലിക്സ് നിര്ത്തിവച്ചു. ഇപ്പോഴത്തെ സാഹചര്യങ്ങള് കണക്കിലെടുത്ത്, റഷ്യയിലെ ഞങ്ങളുടെ സേവനം താല്ക്കാലികമായി നിര്ത്താന് തീരുമാനിച്ചു
ദില്ലി: റഷ്യക്കാര്ക്ക് ഇരുട്ടടിയായി (Netflix) നെറ്റ്ഫ്ലിക്സ്. ടിക് ടോക്കിന് ശേഷം, ഉക്രെയ്ന് അധിനിവേശത്തിന്റെ പേരില് റഷ്യയിലെ (Russia Ukraine Crisis) എല്ലാ സേവനങ്ങളും താല്ക്കാലികമായി നെറ്റ്ഫ്ലിക്സ് നിര്ത്തിവച്ചു. 'ഇപ്പോഴത്തെ സാഹചര്യങ്ങള് കണക്കിലെടുത്ത്, റഷ്യയിലെ ഞങ്ങളുടെ സേവനം താല്ക്കാലികമായി നിര്ത്താന് തീരുമാനിച്ചു, ''നെറ്റ്ഫ്ലിക്സ് വക്താവ് ദി വെര്ജിന് നല്കിയ പ്രസ്താവനയില് പറഞ്ഞു. റഷ്യയില് നെറ്റ്ഫ്ലിക്സിന് ഏകദേശം 1 ദശലക്ഷം ഉപയോക്താക്കളുണ്ടെന്ന് ബ്ലൂംബെര്ഗ് റിപ്പോര്ട്ട് വെളിപ്പെടുത്തി. അടുത്തിടെ, സര്ക്കാര് പിന്തുണയുള്ള ചാനല് വണ് എന്നിവയുള്പ്പെടെ റഷ്യയുടെ 20 പ്രചാരണ ചാനലുകള് പ്രധാന സ്ട്രീമര്മാര് ഹോസ്റ്റുചെയ്യണമെന്ന് പ്രസ്താവിച്ച റഷ്യന് നിയമം അനുസരിക്കാന് നെറ്റ്ഫ്ലിക്സ് വിസമ്മതിച്ചിരുന്നു.
ഇത്തരം ഡിജിറ്റല് സേവനങ്ങള് പിന്വലിക്കുന്ന ഒരേയൊരു കമ്പനിയല്ല നെറ്റ്ഫ്ലിക്സ്. രാജ്യം പുതിയ വാര്ത്ത നിയമം പ്രഖ്യാപിച്ചതിന് ശേഷം റഷ്യയിലെ എല്ലാ വീഡിയോ അപ്ലോഡുകളും ലൈവ് സ്ട്രീമുകളും ടിക് ടോക്ക് താല്ക്കാലികമായി നിര്ത്തിവച്ചു. സൈന്യത്തെക്കുറിച്ച് തെറ്റായ വിവരങ്ങള് പ്രചരിപ്പിക്കുകയും റഷ്യയ്ക്കെതിരെ ഉപരോധം ഏര്പ്പെടുത്താന് പരസ്യമായി ആവശ്യപ്പെടുകയും ചെയ്യുന്നവര് 15 വര്ഷം ജയിലില് കിടക്കേണ്ടിവരുമെന്നും അല്ലെങ്കില് പിഴ ചുമത്തുമെന്നുമാണ് നിയമം. ഈ നിയമത്തിന്റെ സുരക്ഷാ പ്രത്യാഘാതങ്ങള് അവലോകനം ചെയ്തതിനെത്തുടര്ന്ന് വീഡിയോ സേവനത്തിലേക്കുള്ള ലൈവ് സ്ട്രീമിംഗും പുതിയ ഉള്ളടക്കവും താല്ക്കാലികമായി നിര്ത്തിവയ്ക്കുകയല്ലാതെ മറ്റൊരു മാര്ഗവുമില്ലെന്ന് നെറ്റ്ഫ്ലിക്സ് പറഞ്ഞു.
സൈനിക പ്രവര്ത്തനങ്ങളില് ഏര്പ്പെടുന്ന റഷ്യന് സായുധ സേനയുടെയും മറ്റ് യൂണിറ്റുകളുടെയും ഉദ്ദേശ്യം, പങ്ക്, ചുമതലകള് എന്നിവയെ വികലമാക്കാന് ശ്രമിക്കുന്നവരെ ശിക്ഷിക്കുന്നതിനാണ് പുതിയ നിയമം എന്ന് മോസ്കോ ടൈംസ് റിപ്പോര്ട്ട് ചെയ്തു. നമ്മുടെ സായുധ സേനയെ അപകീര്ത്തിപ്പെടുത്തുന്ന തരത്തില് നുണ പറയുകയും പ്രസ്താവനകള് നടത്തുകയും ചെയ്തവര്ക്കെതിരെ ശിക്ഷയും കഠിനമായ ശിക്ഷയും നിര്ബന്ധമാക്കും, ''റഷ്യന് സ്റ്റേറ്റ് ഡുമ ലെജിസ്ലേറ്റീവ് ബോഡി ചെയര്മാന് വ്യാസെസ്ലാവ് വോലോഡിന് പറഞ്ഞു.
ഡിസ്നി, വാര്ണര് ബ്രദേഴ്സ്ക്, പാരാമൗണ്ട് പിക്ചേഴ്സ്, സോണി തുടങ്ങിയ സിനിമാ വ്യവസായത്തിലെ മറ്റ് പ്രമുഖ കമ്പനികളും അടുത്തിടെ തങ്ങളുടെ ചില സിനിമകള് റഷ്യന് തിയേറ്ററുകളില് പ്രദര്ശിപ്പിക്കുന്നതില് നിന്നും പിന്വലിച്ചിരുന്നു. ആപ്പിള്, ഗൂഗിള് തുടങ്ങിയ വലിയ ടെക് ബ്രാന്ഡുകള്. കൂടാതെ സാംസംഗും രാജ്യത്തെ വില്പ്പന നിര്ത്തിവച്ചു. ഇതുകൂടാതെ, ഉക്രേനിയക്കാരെ സംരക്ഷിക്കുന്നതിനായി ഉക്രെയ്ന് ആസ്ഥാനമായുള്ള പങ്കാളികളിലേക്കുള്ള ഓണ്ലൈന് ഇടപാടുകളും കയറ്റുമതിയും നിര്ത്താനും ആപ്പിള് തീരുമാനിച്ചു. റഷ്യയ്ക്ക് പുറത്തുള്ള ആപ്പ് സ്റ്റോറില് നിന്നുള്ള ആപ്പിള് മാപ്സിന്റെയും ആര്ടി ന്യൂസിന്റെയും സ്പുട്നിക് ന്യൂസിന്റെയും ചില സവിശേഷതകളും കമ്പനി പ്രവര്ത്തനരഹിതമാക്കി.