ഇനി മതിവരുവോളം ഫോട്ടോയെടുക്കാം; 7 പ്രധാന ടൂറിസ്റ്റ് സ്പോട്ടുകളിൽ ആകര്ഷകമായ ഫ്രെയിമുകള് റെഡി
Synopsis
38,17,116 രൂപ ചെലവിലാണ് ഇടുക്കിയിലെ പ്രധാന വിനോദ സഞ്ചാരകേന്ദ്രങ്ങളിൽ ഈ പദ്ധതി നടപ്പാക്കിയിരിക്കുന്നത്.
സ്വദേശികളും വിദേശികളുമായി വിനോദ സഞ്ചാരികള്ക്ക് പ്രകൃതി ഭംഗി നിറഞ്ഞ മനോഹര ഫ്രെയിമുകളില് ഇനി ഫോട്ടോയും സെല്ഫിയുമെല്ലാം എടുക്കാം. ഇടുക്കി ജില്ലയിലെ വിനോദസഞ്ചാര കേന്ദ്രങ്ങളില് സഞ്ചാരികളെ ആകര്ഷിക്കുവാനായി നടപ്പാക്കിയ ഇന്സ്റ്റാളേഷന് ഓഫ് ഫോട്ടോഫ്രെയിംസ് അറ്റ് 7 ലൊക്കേഷന്സ് - ഇടുക്കി എന്ന പദ്ധതി പ്രകാരമാണ് ഫ്രെയിമുകള് സ്ഥാപിച്ചിരിക്കുന്നത്.
രാമക്കല്മേട്, പാഞ്ചാലിമേട്, വാഗമണ് അഡ്വെഞ്ചര് പാര്ക്ക്, ഹില്വ്യൂ പാര്ക്ക് ഇടുക്കി, ശ്രീനാരായണപുരം, അരുവിക്കുഴി, വാഗമണ് മൊട്ടക്കുന്ന് എന്നീ വിനോദ സഞ്ചാര മേഖലകളിലാണ് ഫോട്ടോഫ്രെയിംസ് സ്ഥാപിച്ചിരിക്കുന്നത്. മാര്ച്ച് 22ന് പൊതുമരാമത്ത് - വിനോദ സഞ്ചാര വകുപ്പ് മന്ത്രി പി.എ മുഹമ്മദ് റിയാസ് വാഗമണ് അഡ്വെഞ്ചര് പാര്ക്കില് ഫോട്ടോഫ്രെയിംസ് ഉദ്ഘാടനം ചെയ്യും. 38,17,116 രൂപ ചെലവിലാണ് പദ്ധതിയാണ് നടപ്പാക്കിയിരിക്കുന്നത്.
READ MORE: 'ഈ മനോഹര തീരത്ത് തരുമോ ഇനിയൊരു ജന്മം കൂടി...'; കണ്ടാലും കണ്ടാലും മതിവരാത്ത കർലാഡ് തടാകം