ചര്‍മ്മത്തിനും മുടിക്കും

കറ്റാർവാഴ ചർമ്മത്തിനും മുടിക്കും ഒക്കെ നല്ലതാണ്. മിക്കവാറും ആളുകൾ കറ്റാർവാഴ ജെല്ലുകൾ വാങ്ങുന്നവരാണ്. എന്നാൽ, കറ്റാർവാഴ വീട്ടിൽ തന്നെ വളർത്തിയെടുക്കുന്നതാണ് ഉത്തമം. 

കറ്റാർവാഴ വീട്ടിൽ വളർത്തിയെടുക്കുന്നത് വളരെ എളുപ്പമാണ്. ഇക്കാര്യങ്ങൾ ശ്രദ്ധിച്ചാൽ മതി. 

വിത്തിൽ നിന്ന് വേണമെങ്കിൽ ചെടി വളർത്തി എടുക്കാം. അല്ലെങ്കിൽ നഴ്സറികളിൽ നിന്നും ചെടിയായി തന്നെ വാങ്ങിയാൽ മതി. 

നല്ല സൂര്യപ്രകാശം കിട്ടുന്ന സ്ഥലത്താവണം കറ്റാർവാഴ നടുന്നത്. അതുപോലെ വെള്ളം കെട്ടിക്കിടന്നാൽ ചീഞ്ഞുപോകുന്നത് കൊണ്ട് ഡ്രെയിനേജ് ദ്വാരങ്ങളുള്ള പാത്രങ്ങളെടുക്കാം. 

നാലഞ്ചുമണിക്കൂർ നേരമെങ്കിലും നേരിട്ട് സൂര്യപ്രകാശം കിട്ടുന്ന സ്ഥലമാണ് കറ്റാർവാഴ നടാൻ നല്ലത്. ടെറസ്സിലോ പുറത്ത് വെയിൽ കിട്ടുന്നിടത്തോ വളർത്താം. 

അമിതമായി വെള്ളം നനച്ചാൽ ചെടി ചീഞ്ഞുപോകും. നല്ല ഡ്രെയിനേജ് ദ്വാരങ്ങളുള്ള പാത്രങ്ങളിൽ നന്നായി നനയ്ക്കുകയും വെള്ളം ഒഴുകിപ്പോകാൻ അനുവദിക്കുകയും ചെയ്താൽ മതി. 

അതുപോലെ, വളങ്ങളൊന്നും കറ്റാർവാഴയ്ക്ക് ആവശ്യമില്ല. അല്ലാതെ തന്നെ അവ വളർന്നോളും. 

ചകിരിച്ചോർ കറ്റാർവാഴ നടുമ്പോൾ ഇട്ടുകൊടുക്കുന്നത് ഇത് നന്നായി വളരാൻ സഹായിക്കും. അതുപോലെ, പഴത്തോൽ, മുട്ടത്തോട് ഒക്കെ മിക്സ് ചെയ്ത് ഇട്ടുകൊടുക്കാം.