Agriculture
മുല്ലപ്പൂക്കളുടെ മണം ഇഷ്ടമല്ലാത്ത ആളുകൾ വളരെ ചുരുക്കമാണ്. പൂക്കളുടെ ഭംഗിയും മണവും ഇഷ്ടമുള്ളവർക്ക് മുല്ലത്തൈകൾ വീട്ടിൽ വളർത്താം.
കമ്പ് മുറിച്ചുനട്ട് അതിന് വേര് പിടിപ്പിച്ചോ പതിവെച്ചോ മുല്ലയുടെ തൈകൾ തയ്യാറാക്കാം. കമ്പ് മുറിച്ചു നടുന്ന രീതിയാണ് കൂടുതലെളുപ്പം.
മുറ്റത്തോ തോട്ടങ്ങളിലോ ഒക്കെ മുല്ലത്തൈ വളർത്താം. നീർവാർച്ചയുള്ള പശിമയുള്ള മണ്ണ് തെരഞ്ഞെടുക്കുന്നതാണ് ഉത്തമം. വെള്ളം കെട്ടിനിൽക്കാൻ അനുവദിക്കരുത്.
ചട്ടിയിലോ ചാക്കിലോ ആണ് വളർത്തുന്നതെങ്കിൽ മണ്ണും മണലും ചാണകപ്പൊടിയും തുല്യ അളവിൽ ചേർത്തുണ്ടാക്കുന്ന മിശ്രിതം അതിൽ നിറക്കണം.
ഓരോ ചട്ടിയിലും 100 ഗ്രാം കുമ്മായവും 50 ഗ്രാം വേപ്പിൻപിണ്ണാക്കും ചേർത്ത് നന്നായി യോജിപ്പിച്ച് മൂന്നു ദിവസമെങ്കിലും നനച്ചതിനു ശേഷം വേരുപിടിപ്പിച്ച് നടാം.
ദിവസം ആറ് മണിക്കൂറെങ്കിലും ഇവയ്ക്ക് നല്ല സൂര്യപ്രകാശം ആവശ്യമാണ്. അതിനാൽ അങ്ങനെയുള്ള സ്ഥലത്ത് വളർത്താൻ ശ്രമിക്കണം.
വെള്ളം നനയ്ക്കാനും ശ്രദ്ധിക്കണം. എപ്പോഴും നനഞ്ഞിരിക്കുന്ന മണ്ണാണ് നല്ലത്. പക്ഷേ, വെള്ളം കെട്ടിക്കിടക്കുന്നില്ല എന്ന് ഉറപ്പിക്കണം.
ഏതെങ്കിലും നല്ല ഒരു വളം മുല്ലച്ചെടിക്ക് ഇട്ടുകൊടുക്കുന്നതും ആരോഗ്യത്തോടെ വളരാൻ സഹായിക്കും.