കറിവേപ്പില

രുചി നൽകാൻ മാത്രമല്ല നിരവധി ആരോഗ്യ ഗുണങ്ങളും കറിവേപ്പിലയിൽ അടങ്ങിയിട്ടുണ്ട്. കറിവേപ്പില കഴിക്കുന്നതിന്റെ ഗുണങ്ങൾ എന്തൊക്കെയാണെന്ന് അറിയാം.

കറിവേപ്പിലയിൽ പൊട്ടാസ്യം അടങ്ങിയിട്ടുണ്ട്. ഇത് ശരീരത്തിലെ സോഡിയത്തിന്റെ അളവ്, രക്തസമ്മർദ്ദം എന്നിവ നിയന്ത്രിക്കാൻ സഹായിക്കുന്നു.

കറിവേപ്പിലയിൽ വിറ്റാമിനുകൾ ഉള്ളതുകൊണ്ട് തന്നെ കണ്ണിന്റെ ആരോഗ്യം മെച്ചപ്പെടുത്തുകയും, പ്രതിരോധ ശേഷി കൂട്ടുകയും, തിളക്കമുള്ള ചർമ്മം ലഭിക്കാൻ സഹായിക്കുകയും ചെയ്യുന്നു.

കറിവേപ്പിലയിൽ ധാരാളം അയൺ അടങ്ങിയിട്ടുണ്ട്. ഇത് ആരോഗ്യത്തെ മെച്ചപ്പെടുത്താൻ സഹായിക്കുന്നു.

ശക്തമായ എല്ലുകളും പല്ലുകളും ലഭിക്കാൻ കറിവേപ്പില കഴിക്കുന്നത് നല്ലതാണ്. കാരണം ഇതിൽ കാൽസ്യം, ഫോസ്ഫറസ് എന്നിവ അടങ്ങിയിട്ടുണ്ട്.

കറിവേപ്പിലയിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഓക്സിഡേറ്റീവ് സ്‌ട്രെസ്, വീക്കം, പ്രമേഹം, ഹൃദ്രോഗം എന്നിവ തടയാൻ സഹായിക്കുന്നു.

രുചിക്കും അപ്പുറം നിരവധി ഔഷധ ഗുണങ്ങൾ കറിവേപ്പിലയ്ക്കുണ്ട്. ഇത് രക്തസമ്മർദ്ദത്തെ കുറയ്ക്കാൻ സഹായിക്കുന്നു.

ഫ്രഷായി കറികളിലോ ചായയിലോ കറിവേപ്പില ഇട്ടുകുടിക്കാവുന്നതാണ്. അതേസമയം പൊടിച്ചും ഇത് ഉപയോഗിക്കാൻ സാധിക്കും.