പോഷകങ്ങളാൾ സമൃദ്ധമാണ് മുട്ട.

ആരോഗ്യകരമായ കൊഴുപ്പുകൾ, കോളിൻ, വിറ്റാമിൻ ഡി, സെലിനിയം തുടങ്ങിയ അവശ്യ പോഷകങ്ങൾ മുട്ടയിൽ അടങ്ങിയിട്ടുണ്ട്.

തലച്ചോറിന്റെ വികസനം, ഓർമ്മശക്തി, വൈജ്ഞാനിക പ്രവർത്തനം എന്നിവയ്ക്ക് നിർണായകമായ ഒരു പോഷകമായ കോളിൻ ധാരാളം മുട്ടയിൽ അടങ്ങിയിട്ടുണ്ട്.

അയണും സിങ്കും ധാരാളം അടങ്ങിയിട്ടുള്ളതിനാൽ മുട്ടയുടെ മഞ്ഞക്കരു വിളര്‍ച്ച തടയാൻ സഹായിക്കും.

പ്രതിരോധശേഷി വർധിപ്പിക്കാനും ചില അർബുദ കോശങ്ങളുടെ വളർച്ച തടയാനും രോ​ഗാണുക്കളോട് പൊരുതാനും മുട്ടയിൽ അടങ്ങിയിരിക്കുന്ന പോഷകങ്ങൾ സഹായിക്കും.

മുട്ടയുടെ മഞ്ഞക്കരുവിൽ ല്യൂട്ടിൻ, സിയാക്സാന്തിൻ എന്നിവ അടങ്ങിയിട്ടുണ്ട്. ഇവ ആന്റിഓക്‌സിഡന്റുകൾ ആണ്, ഇത് മാക്യുലർ ഡീജനറേഷൻ, തിമിരം എന്നിവയ്ക്കുള്ള സാധ്യത കുറയ്ക്കുന്നു.

 മുട്ട കഴിച്ചാൽ അമിത വിശപ്പ് തടയാം. ഇത് ദിവസം മുഴുവൻ കഴിക്കുന്ന കലോറിയുടെ അളവ് കുറയ്ക്കാൻ സഹായിക്കും.

ദിവസവും ഒരു മുട്ട കഴിക്കുന്നത് ഹൃദയാരോ​ഗ്യം മെച്ചപ്പെടുത്തുമെന്ന് പഠനങ്ങൾ പറയുന്നു.