മുട്ട

പെട്ടെന്ന് കേടുവരുന്ന ഭക്ഷണ സാധനമാണ് മുട്ട. അതിനാൽ ഇത് റൂം ടെമ്പറേച്ചറിൽ സൂക്ഷിക്കാൻ പാടില്ല. പകരം റെഫ്രിജറേറ്ററിൽ വെയ്ക്കുന്നതാണ് ഉചിതം.

അടുക്കളയിൽ ഒഴിച്ചുകൂടാൻ കഴിയാത്ത പച്ചക്കറിയാണ് തക്കാളി. ഇത് റെഫ്രിജറേറ്ററിൽ സൂക്ഷിക്കുന്നത് തക്കാളിയുടെ രുചിയും ഘടനയും നഷ്ടപ്പെടാൻ കാരണമാകും.

ഉരുളക്കിഴങ്ങ് റെഫ്രിജറേറ്ററിൽ സൂക്ഷിക്കുന്നത് അക്രിലമൈഡ് എന്ന രാസവസ്തു ഉണ്ടാവാൻ കാരണമാകും. ഇത് മനുഷ്യർക്ക് നല്ലതല്ല. നേരിട്ട് പ്രകാശമേൽക്കാത്ത സ്ഥലങ്ങളിൽ സൂക്ഷിക്കാം.

ബദാം അധിക ദിവസം റൂം ടെമ്പറേച്ചറിൽ സൂക്ഷിക്കുന്നത് പെട്ടെന്ന് കേടുവരാൻ കാരണമാകും. അതിനാൽ ബദാം എപ്പോഴും ഫ്രീസറിൽ വെയ്ക്കുന്നതാണ് നല്ലത്.

ബട്ടറും പെട്ടെന്ന് കേടുവരുന്ന ഒന്നാണ്. അതിനാൽ ഇത് റൂം ടെമ്പറേച്ചറിൽ സൂക്ഷിക്കുന്നത് ഒഴിവാക്കാം. പകരം റെഫ്രിജറേറ്ററിൽ വെയ്ക്കാം.

നേരിട്ട് വെളിച്ചമേൽക്കുന്നതും ചൂടേൽക്കുന്നതുമായ സ്ഥലങ്ങളിൽ സവാള സൂക്ഷിക്കുന്നത് ഒഴിവാക്കാം. തണുപ്പുള്ള, അധികം പ്രകാശം ഇല്ലാത്ത സ്ഥലങ്ങളിൽ സൂക്ഷിക്കാവുന്നതാണ്.

റെഫ്രിജറേറ്ററിൽ നല്ല തണുപ്പ് ലഭിക്കുന്ന ഭാഗത്ത് മാത്രമേ പാൽ സൂക്ഷിക്കാൻ പാടുള്ളു. ഇല്ലെങ്കിൽ ഇത് എളുപ്പം കേടായിപ്പോകും.

വാഴപ്പഴം ഒരിക്കലും റെഫ്രിജറേറ്ററിൽ സൂക്ഷിക്കാൻ പാടില്ല. ഇത് പഴം എളുപ്പം കറുത്തുപോകാൻ കാരണമാകും.