തൈറോയിഡ് ക്യാൻസർ

തൈറോയ്ഡ് ഗ്രന്ഥിയാണ് നമ്മുടെ മെറ്റബോളിസം പ്രവർത്തനങ്ങളെയും ഊർജ്ജത്തെയും നിയന്ത്രിക്കുന്നത്. തൈറോയിഡ് ക്യാൻസറിന്റെ ലക്ഷണങ്ങൾ ഇതാണ്.

കഴുത്തിന് മുന്നിലെ വീക്കം അല്ലെങ്കിൽ വേദനയില്ലാതെ മുഴ വരുക എന്നിവയെല്ലാം തൈറോയിഡിന്റെ ലക്ഷണങ്ങളാണ്. ഈ ലക്ഷണങ്ങളെ അവഗണിക്കരുത്.

പരുക്കൻ ശബ്ദം, ശബ്‌ദത്തിൽ തുടർച്ചയായി ഉണ്ടാകുന്ന മറ്റു മാറ്റങ്ങൾ എല്ലാം തൈറോയിഡ് ക്യാൻസറിന്റെ ലക്ഷണമാകാം. ഒരാഴ്ചയിൽ കൂടുതൽ ഈ ലക്ഷണങ്ങൾ കണ്ടാൽ അവഗണിക്കരുത്.

ഭക്ഷണം വിഴുങ്ങാനുള്ള ബുദ്ധിമുട്ടും തൈറോയിഡ് ക്യാൻസറിന്റെ ലക്ഷണമാകാം. ഇത്തരം ലക്ഷണങ്ങളെ ഒരിക്കലും അവഗണിക്കരുത്.

ശ്വാസം ശരിയായ രീതിയിൽ എടുക്കാൻ കഴിയാതെ വരുകയും ശ്വാസതടസം അനുഭവപ്പെടുന്നതും തൈറോയിഡിന്റെ ലക്ഷണമാകാം.

വിട്ടുമാറാത്ത തൊണ്ട വേദനയും തൈറോയിഡ് ക്യാൻസറിന്റെ ലക്ഷണമാകാം. ഇത് താടിയെല്ലിലേക്കും ചെവിയിലേക്കുമൊക്കെ പടരാനും സാധ്യതയുണ്ട്.

പ്രത്യേകിച്ച് കാരണങ്ങൾ ഒന്നും ഇല്ലാതെ ചുമയ്ക്കുകയും ആഴ്ചകളോളം ചുമ വിട്ടുമാറാതെ നിൽക്കുന്നുണ്ടെങ്കിലും ശ്രദ്ധിക്കണം. ഇത് തൈറോയിഡ് ക്യാൻസറിന്റെ ലക്ഷണമാകാം.

നിസ്സാരമെന്ന് കരുതി നമ്മൾ അവഗണിക്കുന്ന ചില ലക്ഷണങ്ങളാവാം പിന്നീട് ഗുരുതരമായ രോഗങ്ങളിലേക്ക് വഴിവെയ്‌ക്കുന്നത്‌. അതിനാൽ ഇത്തരം ലക്ഷണങ്ങൾ കണ്ടാൽ ഉടൻ ഡോക്ടറെ സമീപിക്കണം.