വൃക്കകളുടെ സംരക്ഷണം

വൃക്ക മാറ്റിവയ്ക്കൽ ശസ്ത്രക്രിയ കഴിഞ്ഞവർ ആരോഗ്യം നന്നായി നിലനിർത്തുന്നതിന് പ്രത്യേകം ശ്രദ്ധിക്കേണ്ടതുണ്ട്. അവ എന്തൊക്കെയാണെന്ന് അറിയാം.

ശസ്ത്രക്രിയയ്ക്ക് ശേഷം മരുന്നുകൾ കഴിക്കുന്നതുകൊണ്ട് വിശപ്പ് ഉണ്ടാവാനും ശരീരഭാരം കൂടാനും സാധ്യതയുണ്ട്. പച്ചക്കറികളും പഴവർഗ്ഗങ്ങളും കഴിക്കുകയും ദിവസവും വ്യായാമം ചെയ്യേണ്ടതുമുണ്ട്.   

ശുദ്ധീകരിച്ച പഞ്ചസാര, പഴകിയ ഭക്ഷണങ്ങൾ, കടകളിൽ നിന്നും വാങ്ങുന്ന ഭക്ഷണങ്ങൾ തുടങ്ങിയവ ഒഴിവാക്കണം. ഇത് ആരോഗ്യത്തിന് ദോഷമുണ്ടാക്കുന്നു. ഫ്രഷായ ഭക്ഷണങ്ങൾ കഴിക്കാൻ ശ്രദ്ധിക്കണം.

വൃക്ക രോഗങ്ങൾ എല്ലുകളുടെ ആരോഗ്യം മോശമാക്കുന്നു. അതിനാൽ തന്നെ മുട്ട, ക്ഷീര ഉത്പന്നങ്ങൾ, മില്ലറ്റ് എന്നിവ കഴിക്കുന്നത് എല്ലുകളുടെ ആരോഗ്യം മെച്ചപ്പെടുത്താൻ സഹായിക്കും.

വൃക്കകളുടെ പ്രവർത്തനം, ആരോഗ്യസ്ഥിതി എന്നിവ അറിയുന്നതിന് ഇടയ്ക്കിടെ ഡോക്ടറെ കണ്ട് ചെക്കപ്പുകൾ ചെയ്യണ്ടതുണ്ട്.

മദ്യം, പുകവലി എന്നിവ പൂർണമായും ഒഴിവാക്കാൻ ശ്രദ്ധിക്കണം. ഇത് വൃക്കകളുടെ ആരോഗ്യത്തിന് നല്ലതല്ല.

അണുബാധകൾ ഉണ്ടാവുന്നതിനെ തടയാൻ എപ്പോഴും വൃത്തിയുണ്ടായിരിക്കണം. കൈകൾ കഴുകുക, ഇറച്ചി നന്നായി വേവിക്കുക, പടരുന്ന അസുഖങ്ങളിൽ നിന്നും അകലം പാലിക്കുക തുടങ്ങിയ കാര്യങ്ങൾ ശ്രദ്ധിക്കാം.

അമിതമായി സമ്മർദ്ദം ഉണ്ടാവരുത്. ഇത് ശരീരത്തിന്റെ മൊത്തത്തിലുള്ള ആരോഗ്യത്തെ ബാധിക്കുന്നു.