പാൽ

രാത്രി കിടക്കുന്നതിന് മുമ്പ് പാൽ കുടിക്കുന്ന ശീലമുണ്ടോ? ആയുർവേദം പറയുന്നത് ഇതാണ്

പാലിൽ കാത്സ്യവും പ്രോട്ടീനും ധാരാളമായി അടങ്ങിരിക്കുന്നു. പശുവിൻ പാൽ വാത പ്രശ്നങ്ങൾ, ഊർജ്ജം, പ്രതിരോധശേഷി എന്നിവ പ്രോത്സാഹിപ്പിക്കുകയും ചെയ്യുന്നതായി ആയുർവേദം പറയുന്നു.

ഉറങ്ങുന്നതിന് ഏകദേശം 30 മിനിറ്റ് മുമ്പ് പാൽ കുടിക്കുന്നത് ആരോ​ഗ്യത്തിന് നല്ലതാണെന്നും ആരോ​ഗ്യ വിദ​ഗ്ധർ പറയുന്നു.

പാലിൽ ട്രിപ്റ്റോഫാൻ അടങ്ങിയിട്ടുണ്ട്. ഇത് സമ്മർദ്ദം കുറയ്ക്കുന്നതിനും നന്നായി ഉണങ്ങുന്നതിനും സഹായകമാണ്.

എപ്പോഴും ചെറുചൂടുള്ള പാൽ തന്നെ കുടിക്കാൻ ശ്രമിക്കുക. പറ്റുമെങ്കിൽ പാലിൽ അൽപം മഞ്ഞളോ ഏലമോ, അല്ലെങ്കിൽ ഇഞ്ചി എന്നിവ ചേർക്കുന്നതും ആരോ​ഗ്യത്തിന് നല്ലതാണ്. പാൽ

തേനോ പഴങ്ങൾ എന്നിവ ചേർത്ത് കഴിക്കുന്നതും ഒഴിവാക്കണമെന്നും ആയുർവേദത്തിൽ പറയുന്നു. ലാക്ടോസ് അസഹിഷ്ണുത ഉള്ളവർ പാൽ പൂർണ്ണമായും ഒഴിവാക്കണം.

ദഹനക്കുറവ് അല്ലെങ്കിൽ ഇടയ്ക്കിടെ ജലദോഷവും ചുമയും ഉള്ളവർ തണുത്ത പാൽ ഒഴിവാക്കണമെന്നും ആരോ​ഗ്യ വിദ​ഗ്ധർ ചൂണ്ടിക്കാട്ടുന്നു.