കിഡ്നി സ്റ്റോൺ

കിഡ്നി സ്റ്റോൺ ഇന്ന് മിക്കവരിലും കണ്ട് വരുന്ന പ്രശ്നമാണ്.  വൃക്കകളുടെ ആരോഗ്യം തകരാറിലാകുന്നതിന് പിന്നിൽ പല കാരണങ്ങളുണ്ട്. 

പൊണ്ണത്തടി, അനാരോഗ്യകരമായ ഭക്ഷണക്രമം, ചില മരുന്നുകളുടെയോ സപ്ലിമെൻ്റുകളുടെയോ ഉപഭോഗം, ഉയർന്ന രക്തസമ്മർദ്ദം എന്നിവ കിഡ്നി സ്റ്റോൺ പിന്നിലെ പ്രധാന കാരണങ്ങളാണ്.

മൂത്രത്തിന്റെ അളവ് കുറയുകയും കാത്സ്യം, ഓക്‌സലേറ്റ്, ഫോസ്‌ഫേറ്റ്, യൂറിക് ആസിഡ് തുടങ്ങിയ ലവണങ്ങള്‍ ക്രിസ്റ്റലുകളായി അടിഞ്ഞുകൂടുകയും ചെയ്യുമ്പോഴാണ് കല്ലായി മാറുന്നത്. 

കിഡ്നി സ്റ്റോണിന്റെ പ്രധാനപ്പെട്ട ലക്ഷണങ്ങളറിയാം.

വയറിൻ്റെ ഭാഗത്ത് അല്ലെങ്കിൽ പുറകിൽ വേദന അനുഭവപ്പെടുക.
 

മൂത്രത്തിൽ നിറവ്യത്യാസം കാണുന്നതാണ് മറ്റൊരു ലക്ഷണം.
 

വൃക്കയിലെ കല്ലുകളുടെ ഒരു സാധാരണ ലക്ഷണം മൂത്രത്തിൽ രക്തം കാണുന്നതാണ്. ഇതിനെ ഹെമറ്റൂറിയ (hematuria) എന്ന് പറയുന്നു.

വൃക്കയിലെ കല്ലുകൾ കഠിനമായ വേദനയ്ക്ക് കാരണമാകും. കല്ല് അതിന്റെ സ്ഥാനം മാറ്റുന്നതിനാൽ വൃക്ക വേദന പലപ്പോഴും പെട്ടെന്ന് ആരംഭിക്കുന്നു.

കല്ലിന്റെ വലുപ്പം, ആകൃതി, കല്ല് സ്ഥിതി ചെയ്യുന്ന സ്ഥലം എന്നിവയ്ക്കനുസരിച്ച് ലക്ഷണങ്ങളിൽ ചെറിയ വ്യത്യാസങ്ങൾ കാണാറുണ്ട്.