മൂട്ടയെ തുരത്താം

മൂട്ട ശല്യം കാരണം രാത്രിയിൽ ഉറക്കം നഷ്ടപ്പെടാറുണ്ട്. അതിനാൽ തന്നെ വീട്ടിൽ നിന്നും പമ്പകടത്തേണ്ട ഒന്നാണ് മൂട്ട. മൂട്ടയെ തുരത്താൻ ഇങ്ങനെ ചെയ്യൂ.

മൂട്ടയുടെ ശല്യം ഉണ്ടാകുന്നത് കിടക്കയിൽ ആണ്. അതിനാൽ തന്നെ കിടക്ക എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം.

കട്ടിൽ, മെത്ത, കിടക്ക വിരി, പുതപ്പ്, തലയിണ തുടങ്ങിയ സാധനങ്ങൾ ഇടയ്ക്കിടെ വൃത്തിയാക്കി സൂക്ഷിക്കാൻ ശ്രദ്ധിക്കണം.

പഴയ വസ്തുക്കൾ വഴിയാണ് മൂട്ടകൾ വീട്ടിലെത്തുന്നത്. അതിനാൽ തന്നെ പഴക്കമുള്ള മെത്ത, ഫർണിച്ചർ എന്നിവ വാങ്ങുമ്പോൾ സൂക്ഷിക്കാം.

പഴകിയ മെത്തകളിൽ വിടവുകൾ ഉണ്ടാവാറുണ്ട്. ഇതുവഴി മുട്ടകൾ അകത്തേക്ക് കടക്കുകയും മുട്ടയിട്ട് പെരുകുകയും ചെയ്യുന്നു.

കിടക്കയുടെ വിരി നന്നായി കഴുകിയതിന് ശേഷം വെയിൽ കൊള്ളിച്ച് ഉണക്കാൻ മറക്കരുത്. ഇത് മൂട്ടകൾ ഉണ്ടാകുന്നതിനെ തടയുന്നു.

മൂട്ടയെ തുരത്താൻ രാസവസ്തുക്കൾ ഉപയോഗിക്കേണ്ട. പുതിന യൂക്കാലി, കർപ്പൂരം, വയമ്പ് എന്നിവ ഉപയോഗിച്ച് മൂട്ടകളെ തുരത്താൻ സാധിക്കും. ഇവ കട്ടിലിന്റെ അടിയിൽ വിതറിയാൽ മതി.

അമിതമായ ചൂടിനെ അതിജീവിക്കാൻ മൂട്ടകൾക്ക് സാധിക്കില്ല. അതിനാൽ തന്നെ കിടക്കയുടെ അടിഭാഗവും മറ്റ് സ്ഥലങ്ങളും സ്റ്റീം ക്ലീനർ ഉപയോഗിച്ച് വൃത്തിയാക്കിയാൽ മൂട്ടകളെ ഇല്ലാതാക്കാൻ സാധിക്കും.