വസ്ത്രം കഴുകുമ്പോൾ

കഴുകുംതോറും പഴക്കം വരുന്നതാണ് വസ്ത്രങ്ങൾ. മങ്ങിയ വസ്ത്രങ്ങൾ സോപ്പ് പൊടി ഉപയോഗിച്ച് മാത്രം കഴുകിയാൽ തിളക്കമുള്ളതാകില്ല. വസ്ത്രങ്ങൾ പുത്തനാക്കാൻ ഇത്രയും ചെയ്താൽ മതി.   
 

ഒരു ടേബിൾസ്പൂൺ ബേക്കിംഗ് സോഡയും അര സ്പൂൺ വിനാഗിരിയും വെള്ളത്തിൽ ചേർക്കണം. ഇതിലേക്ക് ഷാംപൂ അല്ലെങ്കിൽ സോപ്പ് പൊടി കൂടെ ചേർത്ത് പതച്ചതിന് ശേഷം വസ്ത്രം വെള്ളത്തിൽ മുക്കി വെച്ചാൽ മതി.

ബേക്കിംഗ് സോഡയും നാരങ്ങയും സോപ്പ് പൊടിയും വെള്ളത്തിൽ ചേർത്തതിന് ശേഷം വസ്ത്രങ്ങൾ മുക്കിവയ്ക്കണം. ഇത് വസ്ത്രത്തിലെ മങ്ങൽ മാറ്റി തിളക്കമുള്ളതാക്കുന്നു. 

ബേക്കിംഗ് സോഡ ചേർത്ത വെള്ളത്തിലേക്ക് കുറച്ച് പാൽ കൂടെ ഒഴിച്ചുകൊടുത്താൽ വസ്ത്രങ്ങൾ നന്നായി തിളങ്ങും. 

മറ്റുള്ള വസ്ത്രങ്ങളോടൊപ്പം വെള്ള വസ്ത്രങ്ങൾ കഴുകാൻ പാടില്ല. മറ്റ് വസ്ത്രങ്ങൾക്കൊപ്പം കഴുകിയാൽ വെള്ള വസ്ത്രങ്ങൾ നിറം മങ്ങിപ്പോകാം.

കറയുണ്ടെങ്കിൽ അത് വൃത്തിയാക്കിയതിന് ശേഷം മാത്രമേ വെള്ളത്തിലേക്ക് വസ്ത്രങ്ങൾ ഇടാൻ പാടുള്ളു. ആദ്യം കറ കളഞ്ഞില്ലെങ്കിൽ ഇത് മറ്റുള്ള വസ്ത്രങ്ങളിലും പറ്റിപ്പിടിക്കാൻ സാധ്യതയുണ്ട്. 

വെള്ള വസ്ത്രങ്ങൾ വാഷിംഗ് മെഷീനിൽ കഴുകുമ്പോൾ പ്രത്യേകം ശ്രദ്ധിക്കേണ്ടതുണ്ട്. ശരിയായ രീതിയിൽ കഴുകിയില്ലെങ്കിൽ ഇവ പെട്ടെന്ന് മങ്ങിപോകാൻ കാരണമാകും.

ഒരു ബക്കറ്റിൽ കുറച്ച് വിനാഗിരി ചേർത്തതിന് ശേഷം അതിലേക്ക് വസ്ത്രങ്ങൾ മുക്കിവയ്ക്കണം. ഇത് മങ്ങിയ വസ്ത്രങ്ങളെ പുത്തനാക്കുന്നു.