ഇഴജന്തുക്കളെ തുരത്താം

വീട്ടിൽ നിരന്തരമായി ഇഴജന്തുക്കൾ വരാറുണ്ടോ. എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം.

വീടും പരിസരവും എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. മാലിന്യങ്ങൾ കുമിഞ്ഞുകൂടി വൃത്തിയില്ലാതെ കിടക്കുന്ന സ്ഥലങ്ങൾ ഇഴജന്തുക്കളെ ആകർഷിക്കുന്നു.

വീടിന്റെ പരിസരത്ത് കാടുപോലെ ചെടികൾ വളർന്ന് പന്തലിച്ചിട്ടുണ്ടെങ്കിൽ അതിനെ വെട്ടി മാറ്റാൻ ശ്രദ്ധിക്കണം. ഇതിനിടയിൽ ഇഴജന്തുക്കൾ മറഞ്ഞിരിക്കാനുള്ള സാധ്യത വളരെ കൂടുതലാണ്.

മാലിന്യങ്ങൾ ഒരിക്കലും അടുക്കളയിൽ സൂക്ഷിക്കരുത്. ഭക്ഷണാവശിഷ്ടങ്ങളും മാലിന്യങ്ങളും ഇഴജന്തുക്കളെ ആകർഷിക്കുന്നു.

ചൂട് നിലനിർത്തുന്നതിന് ഇഴജന്തുക്കൾ ചൂട് കിട്ടുന്ന സ്ഥലങ്ങളിൽ വന്നിരിക്കാറുണ്ട്. കിടക്ക, വസ്ത്രങ്ങൾ സൂക്ഷിക്കുന്ന ഇടങ്ങൾ ഇടയ്ക്കിടെ പരിശോധിക്കാം.

വസ്ത്രങ്ങൾ വാരിവലിച്ചിടുന്ന ശീലം ഒഴിവാക്കാം. കൂട്ടിയിടുമ്പോൾ ഇതിനിടയിൽ ഇഴജന്തുക്കൾ ഇരിക്കാനുള്ള സാധ്യത വളരെ കൂടുതലാണ്.

ചില ചെടികളുടെ ഗന്ധം ഇഴജന്തുക്കൾക്ക് അതിജീവിക്കാൻ കഴിയാത്തതാണ്. അത്തരം ചെടികൾ വീട്ടിൽ വളർത്തുന്നത് ഇഴജന്തുക്കളെ അകറ്റി നിർത്തുന്നു.

ഇതിന്റെ അസഹനീയമായ ഗന്ധം ഇഴജന്തുക്കൾക്ക് ഇഷ്ടമില്ലാത്തതാണെങ്കിലും, മണ്ണെണ്ണ ഒഴിക്കുന്നത് പൂർണമായും ഇഴജന്തുക്കളെ അകറ്റി നിർത്തുന്നില്ല.