പാറ്റയെ തുരത്താം

വീടുകളിൽ സ്ഥിരം വരുന്ന ജീവിയാണ് പാറ്റ. പാറ്റ ശല്യം ഇല്ലാതാക്കാൻ ഇങ്ങനെ ചെയ്യൂ.

പുറത്തുനിന്നും വീടിനുള്ളിലേക്ക് പാറ്റ കയറുന്നതിനെ തടയേണ്ടതുണ്ട്. പാറ്റ കയറാൻ സാധ്യതയുള്ള വഴികളെല്ലാം അടയ്ക്കാൻ ശ്രദ്ധിക്കണം.

ഈർപ്പമുള്ള സ്ഥലങ്ങളിലാണ് എപ്പോഴും പാറ്റയുടെ ശല്യം ഉണ്ടാകുന്നത്. അടുക്കളയിൽ ഈർപ്പമുള്ള സ്ഥലങ്ങളെല്ലാം ഉണക്കിയിടാൻ ശ്രദ്ധിക്കണം.

പാറ്റയെ തുരത്താൻ ഗ്രാമ്പുവും വയണ ഇലയും നല്ലതാണ്. അടുക്കളയിലെ ഷെൽഫിലും ഡ്രോയറിലും ഇവ പൊടിച്ചോ അല്ലാതെയോ ഇട്ടാൽ മതി. ഇതിന്റെ ഗന്ധം പാറ്റയ്ക്ക് ഇഷ്ടമല്ല.

അടുക്കള വിനാഗിരി ഉപയോഗിച്ച് വൃത്തിയാക്കാം. ചെറുചൂട് വെള്ളത്തിൽ വിനാഗിരി ചേർത്തതിന് ശേഷം നന്നായി തുടച്ച് വൃത്തിയാക്കിയാൽ മതി. ഇതിന്റെ ഗന്ധം പാറ്റയ്ക്ക് ഇഷ്ടമല്ല.

അടുക്കള സിങ്കിൽ പാറ്റ വരാനുള്ള സാധ്യത വളരെ കൂടുതലാണ്. അതിനാൽ തന്നെ സിങ്ക് എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കാം.

വായുകടക്കാത്ത പാത്രത്തിലാക്കിയാവണം ഭക്ഷണ സാധനങ്ങൾ സൂക്ഷിക്കേണ്ടത്. ഭക്ഷണം തുറന്നിരിക്കുന്നത് പാറ്റയെ ആകർഷിക്കുന്നു.

വീട് എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. മാലിന്യങ്ങളും ഭക്ഷണാവശിഷ്ടങ്ങളും പാറ്റയെ ആകർഷിക്കുന്നു.