എലിയെ തുരത്താം

വീട്ടിൽ എലി ശല്യമുണ്ടോ. എലിയെ തുരത്താൻ ചെയ്യേണ്ട കാര്യങ്ങൾ ഇതാണ്.

കർപ്പൂരതുളസി, ലാവണ്ടർ, യൂക്കാലിപ്റ്റസ്, സിട്രോനെല്ല തുടങ്ങിയ സുഗന്ധതൈലങ്ങൾ ഉപയോഗിച്ച് എലിയെ തുരത്താൻ സാധിക്കും. ഇത് വെള്ളത്തിൽ ചേർത്ത് സ്പ്രേ ചെയ്താൽ മതി.

സവാളയുടെ ഗന്ധത്തെ അതിജീവിക്കാൻ എലികൾക്ക് കഴിയില്ല. ഇത് ചതച്ച് എലി വരുന്ന സ്ഥലങ്ങളിൽ ഇട്ടുകൊടുത്താൽ മതി.

ചില ഗന്ധങ്ങൾ എലികൾക്ക് പറ്റാത്തതാണ്. ഗ്രാമ്പു, വയണ ഇല, കുരുമുളക് തുടങ്ങിയവ എലിയെ അകറ്റി നിർത്താൻ സഹായിക്കുന്നു.

പൂച്ചയുള്ള സ്ഥലങ്ങളിൽ എലി വരാറില്ല. വീട്ടിൽ പൂച്ചയെ വളർത്തുന്നതിലൂടെ എലികളെ അകറ്റി നിർത്താൻ സാധിക്കും.

പുറത്തുനിന്നും വീടിനകത്തേക്ക് എലികൾ കയറാൻ സാധ്യതയുള്ള വിള്ളലുകളും ഇടകളും അടയ്ക്കാൻ ശ്രദ്ധിക്കണം.

ചില ചെടികൾക്ക് എലികളെ തുരത്താൻ സാധിക്കും. വീട്ടിൽ ജമന്തി ചെടി വളർത്തുന്നത് എലിയെ അകറ്റി നിർത്താൻ സഹായിക്കുന്നു.

വിനാഗിരിയുടെ അസിഡിറ്റിയുള്ള ഗന്ധം എലികൾക്ക് ബുദ്ധിമുട്ടുണ്ടാക്കുന്നു. ഇത് കോട്ടൺ ബാളിൽ മുക്കി എലി വരാറുള്ള സ്ഥലങ്ങളിൽ വെച്ചാൽ മതി.