ബൊലേറോയുടെയും ബൊലേറോ നിയോയുടെയും സംയോജനം; ഇതാ സാധാരണക്കാരന്‍റെ ഫോർച്യൂണർ!

മഹീന്ദ്ര ബൊലേറോയും ബൊലേറോ നിയോയും പുതിയ ബോൾഡ് പതിപ്പിൽ പുറത്തിറങ്ങി. ഇരുണ്ട ക്രോം തീം എക്സ്റ്റീരിയറുകളും പ്രീമിയം ബ്ലാക്ക് ഇന്റീരിയറുകളും പുതിയ മോഡലിന്റെ സവിശേഷതകളാണ്. ബൊലേറോ നിയോ ബോൾഡിൽ റൂഫ് റെയിലുകളും റിയർ-വ്യൂ ക്യാമറയും ഉൾപ്പെടുന്നു.

ഇന്ത്യൻ നിർമ്മിത എസ്‌യുവികളുടെ കാര്യത്തിൽ, ടാറ്റയും മഹീന്ദ്രയുമാണ് രാജാക്കന്മാർ. എന്നാൽ ഇന്ത്യയിൽ നിർമ്മിച്ച ലാഡർ ഫ്രെയിം റഗ്ഡ് എസ്‌യുവികളുടെ കാര്യത്തിൽ, മഹീന്ദ്ര മാത്രമായിരിക്കും ഒരുപക്ഷേ ജേതാവ്. മഹീന്ദ്ര ഥാർ, മഹീന്ദ്ര ബൊലേറോ, മഹീന്ദ്ര ബൊലേറോ നിയോ തുടങ്ങിയ മോഡലുകൾ തന്നെ ഉദാഹരണം.  ഇപ്പോഴിതാ, ഉപയോക്താക്കൾക്ക് ഒരു പുതിയ അനുഭവം നൽകുന്നതിനായി ഒരു എസ്‌യുവി മഹീന്ദ്ര പുറത്തിറക്കുന്നു. നിങ്ങൾക്കും ഈ മഹീന്ദ്ര എസ്‌യുവിയിൽ താൽപ്പര്യമുണ്ടെങ്കിൽ, പുതിയ എസ്‌യുവി വാങ്ങുന്നതിന് മുമ്പ് നിങ്ങൾക്ക് വളരെ ഉപയോഗപ്രദമാകുന്ന ചില വിവരങ്ങൾ  പരിശോധിക്കാം. 

മഹീന്ദ്ര ബൊലേറോയും മഹീന്ദ്ര ബൊലേറോ നിയോ എസ്‌യുവികളും മൾട്ടിപർപ്പസ് എസ്‌യുവികളായി കണക്കാക്കപ്പെടുന്നു. പരുക്കൻ റോഡുകളിൽ മാത്രമല്ല, പിക്കപ്പ് ട്രക്കായും ഇത് ഓടിക്കാം. മഹീന്ദ്ര ഇപ്പോൾ ബൊലേറോയുടെയും ബൊലേറോ നിയോയുടെയും പുതിയ പതിപ്പ് പുറത്തിറക്കിറക്കിയിരിക്കുന്നു. മഹീന്ദ്ര ബൊലേറോ ബോൾഡ് എന്നാണ് ഈ പതിപ്പിന്‍റെ പേര്. മഹീന്ദ്ര ബൊലേറോ ബോൾഡിന്റെ പ്രത്യേക പതിപ്പിന്റെ പുറംഭാഗത്തെയും ഇന്റീരിയർ ആക്‌സസറികളെയും കുറിച്ച് പറയുകയാണെങ്കിൽ, ഇത് വളരെ സവിശേഷമാണ്. ഇതോടൊപ്പം, മഹീന്ദ്ര അതിന്റെ മെക്കാനിക്കൽ ആഡ് ഓണിന് പകരം പൂർണ്ണമായ സൗന്ദര്യവർദ്ധക മാറ്റങ്ങൾ വരുത്തി. അതുകൊണ്ടാണ് ഈ എസ്‌യുവി നിലവിലെ സെഗ്‌മെന്റിലെ ഏറ്റവും സ്റ്റൈലിഷ് ആയി മാറുന്നത്.

മഹീന്ദ്ര ബൊലേറോ ബോൾഡ് പതിപ്പിന് കമ്പനി ഒരു വലിയ ടാഗ് ലൈൻ നൽകിയിരിക്കുന്നു. 'അതുല്യമായ അഭിനിവേശത്തിന്റെ അഭിമാനം, ബോൾഡിന്റെ പുതിയ ഐഡന്‍റിറ്റി' എന്നതാണ് ഈ ടാഗ്‍ ലൈൻ. ബോൾഡ് പതിപ്പിലൂടെ, ഇരുണ്ട ക്രോം തീം എക്സ്റ്റീരിയറുകളും പ്രീമിയം ബ്ലാക്ക് ഇന്റീരിയറുകളും ഉള്ളതിനാൽ ബൊലേറോയ്ക്ക് പുതിയൊരു സ്റ്റൈലിഷ് ലുക്ക് നൽകിയിരിക്കുന്നു. ഇതിന് ഒരു സ്പോർട്ടി ബ്ലാക്ക് ഫ്രണ്ട് ബമ്പറും ലഭിക്കുന്നു, ഇത് അൽപ്പം സ്‍പോർട്ടിയായി തോന്നിപ്പിക്കുന്നു. ബൊലേറോ നിയോ ബോൾഡ് പതിപ്പിന് ഇംഗ്ലീഷിലുള്ള ടാഗ്‌ലൈൻ "ബോൺ ബോൾഡ്, ബിൽറ്റ് അൺസ്റ്റോപ്പബിൾ" എന്നാണ്. സ്റ്റാൻഡേർഡ് ബൊലേറോ പോലെ, മഹീന്ദ്ര ബൊലേറോ നിയോ ബോൾഡ് എഡിഷനും ഇരുണ്ട ക്രോം തീം എക്സ്റ്റീരിയറുകളും പ്രീമിയം ബ്ലാക്ക് ഇന്റീരിയറുകളും അവതരിപ്പിക്കുന്നു. ബൊലേറോ നിയോ ബോൾഡ് എഡിഷനിൽ മാത്രം ലഭ്യമാകുന്ന ശ്രദ്ധേയമായ കൂട്ടിച്ചേർക്കലുകളാണ് റൂഫ് റെയിലുകളും റിയർ-വ്യൂ ക്യാമറയും.

ബൊലേറോ നിയോ ബോൾഡ് എഡിഷനിൽ യാത്രക്കാർക്ക് സുഖസൗകര്യങ്ങൾ വർദ്ധിപ്പിക്കുന്ന കംഫർട്ട് കിറ്റ് ഉൾപ്പെടുന്നു. കഴുത്ത് തലയിണകളും മറ്റ് ആക്സസറികളും പാക്കേജിന്റെ ഭാഗമായേക്കാം. ഈ രണ്ട് വാഹനങ്ങളുടെയും വില മഹീന്ദ്ര ഇതുവരെ പ്രഖ്യാപിച്ചിട്ടില്ല. ഇതിനുപുറമെ, വിലയിലും എഞ്ചിൻ വിഭാഗത്തിലും ബൊലേറോയും ബൊലേറോ പ്ലസും മികച്ചതാണ്. 1.5 ലിറ്റർ 3-സിലിണ്ടർ എംഹോക്ക്75 ടർബോ ഡീസൽ എഞ്ചിനാണ് ബൊലേറോയ്ക്ക് കരുത്തുപകരുന്നത്. ഇത് 75 bhp കരുത്തും 210 Nm ടോർക്കും ഉത്പാദിപ്പിക്കുന്നു. അതേസമയം ബൊലേറോ നിയോയ്ക്ക് 100 bhp കരുത്തും 260 Nm ടോർക്കും ഉത്പാദിപ്പിക്കുന്ന 1.5L 3-സിലിണ്ടർ എംഹോക്ക്100 ടർബോ ഡീസൽ എഞ്ചിനാണ് കരുത്ത് പകരുന്നത്.