ബജാജ് ചേതക്ക് ഇനി ഈ നഗരത്തിലും ലഭ്യമാകും

ബ്രൂക്ലിൻ ബ്ലാക്ക്, ഹേസൽ നട്ട്, ഇൻഡിഗോ മെറ്റാലിക്, വെല്ലുട്ടോ റോസ്സോ എന്നീ നാല് നിറങ്ങളിൽ ഇത് ലഭ്യമാകും. നിലവിൽ 24 സംസ്ഥാനങ്ങളിൽ സ്‍കൂട്ടർ ലഭ്യമാണ്.

മഹാരാഷ്ട്രയിലെ സോലാപൂരിൽ മോഡൽ അവതരിപ്പിച്ചതോടെ ചേതക് ഇലക്ട്രിക് സ്‍കൂട്ടറിന്റെ ലഭ്യത ബജാജ് ഓട്ടോ വിപുലീകരിച്ചു. പ്രീമിയം എന്ന ഒറ്റ വേരിയന്റിലാണ് ഇലക്ട്രിക് സ്‍കൂട്ടർ ഇവിടെ വാഗ്ദാനം ചെയ്യുന്നത് എന്നും ഇതിന്റെ വില 1,34,814 രൂപയാണ് (എക്സ്-ഷോറൂം) ആണെന്നും ബൈക്ക് വാലെ റിപ്പോര്‍ട്ട് ചെയ്യുന്നു. ബ്രൂക്ലിൻ ബ്ലാക്ക്, ഹേസൽ നട്ട്, ഇൻഡിഗോ മെറ്റാലിക്, വെല്ലുട്ടോ റോസ്സോ എന്നീ നാല് നിറങ്ങളിൽ ഇത് ലഭ്യമാകും. നിലവിൽ 24 സംസ്ഥാനങ്ങളിൽ സ്‍കൂട്ടർ ലഭ്യമാണ്.

താൽപ്പര്യമുള്ള ഉപഭോക്താക്കൾക്ക് 2,000 രൂപ ടോക്കൺ തുകയ്ക്ക് ചേതക് ഓൺലൈനായി ബുക്ക് ചെയ്യാം. കെടിഎം സോലാപൂർ വഴിയാണ് ഇലക്ട്രിക് സ്‍കൂട്ടർ ലഭ്യമാക്കുക. ഇത് 3.8kW ഇലക്ട്രിക് മോട്ടോറും നീക്കം ചെയ്യാനാവാത്ത 3kWh IP67 ലിഥിയം-അയൺ ബാറ്ററി പാക്കും ഉപയോഗിക്കുന്നു. വാഹനത്തിന്‍റെ ഉയർന്ന വേഗത മണിക്കൂറിൽ 70 കിലോമീറ്ററാണ്. അവകാശപ്പെടുന്ന റേഞ്ച് 90 കിലോമീറ്ററാണ് (ഇക്കോ മോഡിൽ).

ഐതിഹാസിക മോഡലായ ചേതക്കിനെ (Bajaj Chetak) ഇലക്ട്രിക് കരുത്തില്‍ 14 വർഷത്തെ ഇടവേളക്ക് ശേഷം 2020 ജനുവരിയിലാണ് വിപണിയിലേക്ക് ബജാജ് ഓട്ടോ (Bajaj Auto) തിരിച്ചെത്തിച്ചത്.   കമ്പനിയുടെ ആദ്യ ഇലക്ട്രിക് സ്‌കൂട്ടറായിട്ടായിരുന്നു ചേതക്കിന്‍റെ മടങ്ങിവരവ്. ബജാജിന്റെ തന്നെ ഇലക്ട്രിക് വാഹന ബ്രാന്‍ഡായ അര്‍ബണൈറ്റ് ആണ് ഇലക്ട്രിക് കരുത്തിലുള്ള ചേതക്കിനെ വീണ്ടും നിരത്തുകളില്‍ എത്തിക്കുന്നത്. 2019 ഒക്ടോബര്‍ 17ന് ആയിരുന്നു വാഹനത്തിന്‍റെ ആദ്യാവതരണം. അർബൻ, പ്രീമിയം എന്നീ രണ്ട് വേരിയന്റുകളിലാണ് ചേതക്കിനെ വിൽപ്പനയ്ക്ക് എത്തിക്കുന്നത്.  

IP67 റേറ്റിങ്ങുള്ള ഹൈ-ടെക് ലിഥിയം അയേണ്‍ ബാറ്ററിയാണ് ചേതക്കിന്‍റെ ഹൃദയം. സ്റ്റാന്റേര്‍ഡ് 5-15 amp ഇലക്ട്രിക്ക് ഔട്ട്‌ലെറ്റ് വഴി വാഹനം ചാര്‍ജ് ചെയ്യാം. 3.8 kW/ 4.1kW ഇലക്ട്രിക് മോട്ടറുള്ള സ്‍കൂട്ടറിന് സ്പോർട്, ഇക്കോ എന്നിങ്ങനെ രണ്ടു ഡ്രൈവ് മോഡുകളുണ്ട്. പ്രകടനക്ഷമതയേറിയ സ്പോർട് മോഡിൽ ഓരോ തവണ ചാർജ് ചെയ്യുമ്പോഴും 85 കിലോമീറ്ററാണ് ചേതക് ഓടുക. എന്നാൽ ഊർജക്ഷമതയേറിയ ഇക്കോ മോഡിൽ സ്‍കൂട്ടറിന്റെ സഞ്ചാരപരിധി 95 കിലോമീറ്ററായി ഉയരും. റിവേഴ്‍സ് ഗിയറുള്ള ഇന്ത്യയിലെ ആദ്യ ഇലക്ട്രിക് സ്‍കൂട്ടറും ചേതക്കാണ്.

പേരില്‍ അല്ലാതെ പഴയ ചേതക്കിനോട് രൂപത്തില്‍ സമാനതകളൊന്നും ഇലക്ട്രിക് ചേതക്കിനില്ല. റെട്രോ ഡിസൈനിനു പ്രാധാന്യം നല്‍കിയാണ് വാഹനത്തിന്റെ ഓവറോള്‍ രൂപകല്‍പന. എല്‍ഇഡി ഹെഡ്‌ലാമ്പ്, വീതിയേറിയ സീറ്റ്, വലിയ ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, വളഞ്ഞ ബോഡി പാനലുകള്‍, സ്‌പോര്‍ട്ടി റിയര്‍വ്യൂ മിറര്‍, 12 ഇഞ്ച് വീല്‍, റീജനറേറ്റീവ് ബ്രേക്കിങ് എന്നിവ ചേതക്കിനെ വേറിട്ടതാക്കുന്നു. നിരവധി സവിശേഷതകള്‍ വാഹനത്തില്‍ കാണാന്‍ സാധിക്കും. റെട്രോ ഡിസൈന് പ്രാധാന്യം നല്‍കിയാണ് വാഹനത്തിന്റെ രൂപകല്‍പന. എല്‍ഇഡി ഹെഡ്‌ലാമ്പ്, എല്‍ഇഡി ടെയില്‍ ലാമ്പ്, എല്‍ഇഡി ഡേ ടൈം റണ്ണിങ് ലാമ്പുകള്‍, പൂര്‍ണ ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, ഡിസ്‌ക് ബ്രേക്കുകള്‍, എബിഎസ്, റിവേഴ്‌സ് അസിസ്റ്റ് ഫങ്ഷന്‍ എന്നിവയെല്ലാം സ്‌കൂട്ടറിന്റെ സവിശേഷതകളാണ്. രണ്ട് വകഭേദങ്ങളിലും ആറ് നിറങ്ങളിലുമാണ് ഇലക്ട്രിക്ക് സ്‌കൂട്ടര്‍ വിപണിയില്‍ എത്തുന്നത്. മൂന്ന് വര്‍ഷം അല്ലെങ്കില്‍ 50,000 കിലോമീറ്റര്‍ വാറന്റി ലഭിക്കും. ടിവിഎസ് ഐക്യൂബ്, ഏഥര്‍ 450എക്‌സ് എന്നിവയാണ് എതിരാളികള്‍.

കമ്പനിയെക്കുറിച്ചുള്ള മറ്റ് വാര്‍ത്തകളില്‍, ബജാജ് ഓട്ടോ അതിന്റെ ഇലക്ട്രിക് വാഹന ശ്രേണി വിപുലീകരിക്കാൻ പദ്ധതിയിടുന്നതായി റിപ്പോർട്ടുകള്‍ ഉണ്ട്. ലോ, മിഡ് സ്പീഡ് സെഗ്‌മെന്റുകളിൽ പുതിയ ഇലക്ട്രിക് വാഹനങ്ങൾ പുറത്തിറക്കാനാണ് കമ്പനി പദ്ധതിയിടുന്നത്. വിശദാംശങ്ങൾ വിരളമാണെങ്കിലും, കമ്പനി ചേതക് വാസ്തുവിദ്യ ഉപയോഗിക്കുമെന്നും വിലകുറഞ്ഞ മോഡൽ വികസിപ്പിക്കുമെന്നും പ്രതീക്ഷിക്കുന്നു.