ഈ വർഷത്തെ ഓട്ടോ എക്‌സ്‌പോ പതിപ്പിലും വളരെ ശ്രദ്ധേയമായ ചില മോഡലുകൾ ടാറ്റ പ്രദർശിപ്പിച്ചിട്ടുണ്ട്. നിരവധി കാർ മോഡലുകൾ പ്രദർശിപ്പിച്ചിട്ടുണ്ടെങ്കിലും ഏറ്റവും വലിയ ഇടം തങ്ങളുടെ കൺസെപ്റ്റ് വാഹനങ്ങൾക്കായി നീക്കിവച്ചിരിക്കുകയാണ് ടാറ്റ എന്നതും ശ്രദ്ധേയമാണ്. ഇതാ ടാറ്റാ പവലിയനില്‍ നിന്നുള്ള ചില കാഴ്‍ചകള്‍
2023 ലെ ദില്ലി ഓട്ടോ എക്‌സ്‌പോ ഗ്രേറ്റർ നോയിഡയിലെ ഇന്ത്യ എക്‌സ്‌പോ മാർട്ടിൽ നടന്നുകൊണ്ടിരിക്കുകയാണ്. ലോകമെമ്പാടുമുള്ള നിരവധി വാഹന നിർമ്മാതാക്കൾ അവരുടെ ഉൽപ്പന്നങ്ങളും സാങ്കേതികവിദ്യകളും പ്രദർശിപ്പിക്കാൻ ഇവിടെ എത്തിയിട്ടുണ്ട്. മൂന്നരപ്പതിറ്റാണ്ടോളമായി നടക്കുന്ന വാഹന മാമാങ്കത്തില്‍ ഒരു സ്ഥിരം പങ്കാളിയാണ് നിലവിൽ രാജ്യത്തെ മൂന്നാമത്തെ വലിയ പാസഞ്ചർ കാർ നിർമ്മാതാക്കളായ ടാറ്റ മോട്ടോഴ്‌സ്,
വൈദ്യുത വാഹനങ്ങളുടെ ക്രമാനുഗതമായ സ്വീകാര്യത, സിഎൻജി സാങ്കേതികവിദ്യയുടെ വ്യാപകമായ ജനപ്രീതി, എസ്‌യുവി ബോഡി ഡിസൈനിനോടുള്ള വർദ്ധിച്ചുവരുന്ന മുൻഗണന തുടങ്ങിയ ഘടകങ്ങളിൽ കമ്പനി വലിയ നീക്കങ്ങള്‍ നടത്തുന്നുണ്ട്. അതുകൊണ്ടുതന്നെ ഈ വർഷത്തെ ഓട്ടോ എക്‌സ്‌പോ പതിപ്പിലും വളരെ ശ്രദ്ധേയമായ ചില മോഡലുകൾ ടാറ്റ പ്രദർശിപ്പിച്ചിട്ടുണ്ട്. നിരവധി കാർ മോഡലുകൾ പ്രദർശിപ്പിച്ചിട്ടുണ്ടെങ്കിലും ഏറ്റവും വലിയ ഇടം തങ്ങളുടെ കൺസെപ്റ്റ് വാഹനങ്ങൾക്കായി നീക്കിവച്ചിരിക്കുകയാണ് ടാറ്റ എന്നതും ശ്രദ്ധേയമാണ്. ഇതാ ടാറ്റാ പവലിയനില്‍ നിന്നുള്ള ചില കാഴ്‍ചകള്‍.
റെഡിയായ സിഎൻജി കാറുകൾ ദില്ലിയിലെത്തിച്ച് മാരുതിയും ടാറ്റയും
ടാറ്റ ഹാരിയർ ഇ വി
2023 ഓട്ടോ എക്‌സ്‌പോയിലെ ടാറ്റ മോട്ടോഴ്‌സ് പവലിയനിൽ ഹാരിയർ ഇവിയും പ്രദർശിപ്പിച്ചിട്ടുണ്ട്. അതിന്റെ ബാഹ്യ രൂപകൽപ്പനയുടെ കാര്യത്തിൽ ഏകദേശം നിര്‍മ്മാണത്തിന് തയ്യാറായ മോഡലാണ് വേദിയിലുള്ളത്. ഫുൾ-ഇലക്‌ട്രിക് ത്രീ-വരി എസ്‌യുവി എന്ന നിലയിൽ, ഹാരിയർ ഇവി ലോഞ്ച് ചെയ്യുമ്പോൾ വിപണിയില്‍ ഒരു ബ്ലോക്ക്ബസ്റ്റർ ആയിരിക്കും എന്നുറപ്പ്. 2024 അവസാനമോ 2025ഓടെയോ ഈ മോഡലിന്‍റെ ലോഞ്ച് പ്രതീക്ഷിക്കുന്നു.
ടാറ്റ സിയറ ഇവി കൺസെപ്റ്റ്
ഓട്ടോ എക്‌സ്‌പോയുടെ മുൻ പതിപ്പിലും സിയറ ഇവി കൺസെപ്റ്റ് ടാറ്റ പ്രദർശിപ്പിച്ചിരുന്നെങ്കിലും ഇത്തവണ അതിന്റെ ഉൽപ്പാദന രൂപത്തോട് അടുത്ത മോഡലാണ് വേദിയിലുള്ളത്. ഒരുകാലത്ത് ഇന്ത്യൻ റോഡുകളിലെ ഒരു സാധാരണ കാഴ്ചയായിരുന്നു സിയറ എസ്‌യുവികൾ. ഇപ്പോള്‍ ആധുനികവും ഭാവിയിലേക്കുള്ള ഡിസൈൻ ഘടകങ്ങളും ഉൾക്കൊള്ളുന്ന മഹത്തായ കാലത്തേക്കുള്ള തിരിച്ചുവരവാണ് സിയറയ്ക്ക് കമ്പനി നല്‍കാൻ ഒരുങ്ങുന്നത്. അടുത്ത രണ്ട് വർഷത്തിനുള്ളിൽ ടാറ്റ സിയറ ഇവിയുടെ പ്രൊഡക്ഷൻ പതിപ്പ് തയ്യാറായേക്കും.
ഓട്ടോ എക്‌സ്‌പോയില്‍ സൂപ്പര്‍താരമായി മാരുതി സുസുക്കി, ഇതാ ആ പവലിയനിൽ നിന്നുള്ള വലിയ ഹൈലൈറ്റുകൾ
ടാറ്റ കര്‍വ്വ് ഐസിഇ പതിപ്പ്
ഓട്ടോ എക്‌സ്‌പോ 2023-ലെ ഏറ്റവും മികച്ചതായി കാണപ്പെടുന്ന കൺസെപ്‌റ്റുകളിൽ ഒന്നാണ് ടാറ്റയുടെ കര്‍വ്വ്. കഴിഞ്ഞ വർഷം ഓൾ-ഇലക്‌ട്രിക് കര്‍വ്വ് കൺസെപ്റ്റ് പ്രദർശിപ്പിച്ചിരുന്നു.
ടാറ്റ പഞ്ച് സിഎൻജി
ടാറ്റ പഞ്ച് സിഎൻജി ഓട്ടോ എക്‌സ്‌പോ 2023-ലും പ്രദർശിപ്പിച്ചിട്ടുണ്ട്. പഞ്ചിന്റെ 1.2-ലിറ്റർ പെട്രോൾ എഞ്ചിൻ നിലനിര്‍ത്തും. എന്നാല്‍ അതിന്റെ സിഎൻജി മോഡിൽ, കാർ 77 എച്ച്പി പുറപ്പെടുവിക്കുകയും 97 എൻഎം ടോർക്ക് നൽകുകയും ചെയ്യും. ഇത് പെട്രോൾ-മാത്രം മോഡിൽ 86 എച്ച്പി, 113 എൻഎം എന്നിവയേക്കാൾ അല്പം കുറവാണ്. ഇതിന് ബൂട്ടിൽ ഒരു ഇരട്ട സിലിണ്ടർ സജ്ജീകരിക്കും.
ടാറ്റ അൾട്രോസ് സിഎൻജി
വാഹനവിപണി ഏറെ പ്രതീക്ഷയോടെ കാത്തിരിക്കുന്ന ഒരു മോഡൽ കൂടിയാണ് ആൾട്രോസ് സിഎൻജി. അത് ഔദ്യോഗിക ലോഞ്ചിനായി ടാറ്റാ പവലിയനില്‍ അണിനിരക്കുന്നു. പഞ്ച് സിഎൻജിയിലെ അതേ ഡ്യുവൽ-സിഎൻജി സിലിണ്ടർ സജ്ജീകരണം അള്‍ട്രോസിലും നല്‍കിയേക്കും.
ഇലക്ട്രിക്ക് മോഡലുകളുടെ വസന്തോത്സവമായി വാഹനമേള, ഇതാ ചില കിടിലൻ മോഡലുകള്‍