ഈ കാറിൽ വമ്പൻ വർഷാവസാന ഓഫർ! വില കുറയുന്നത് 2.60 ലക്ഷം വരെ

ബിവൈഡി തങ്ങളുടെ eMAX 7 ഇലക്ട്രിക് എംപിവിക്ക് 2.60 ലക്ഷം രൂപ വരെ വില വരുന്ന വർഷാവസാന ഓഫറുകൾ പ്രഖ്യാപിച്ചു. എക്സ്ചേഞ്ച് ബോണസ്, കോർപ്പറേറ്റ് ആനുകൂല്യങ്ങൾ, വിപുലീകൃത വാറന്റി, സൗജന്യ അറ്റകുറ്റപ്പണി എന്നിവ ഈ പാക്കേജിൽ ഉൾപ്പെടുന്നു. 

നിങ്ങൾ ബിവൈഡി ഇമാക്സ് 7 ഇലക്ട്രിക് എംപിവിക്ക് 2.60 ലക്ഷം രൂപ വരെയുള്ള പ്രത്യേക വർഷാവസാന ഓഫറുകൾ പ്രഖ്യാപിച്ചു. വർഷാവസാന ആനുകൂല്യങ്ങളിൽ വിവിധ ഓഫറുകളും കിഴിവുകളും ഉൾപ്പെടുന്നു. ഈ പാക്കേജിൽ ഒരുലക്ഷം രൂപയുടെ എക്സ്ചേഞ്ച് അല്ലെങ്കിൽ ലോയൽറ്റി ബോണസ്, ഒരുലക്ഷം കോർപ്പറേറ്റ് ആനുകൂല്യങ്ങൾ, പുതിയ ഉപഭോക്താക്കൾക്ക് ഒരുലക്ഷം രൂപ വെൽക്കം ബോണസ്, മൂന്ന് ലക്ഷം കിലോമീറ്റർ വരെ വിപുലീകൃത വാറന്‍റി, ഏഴ് വർഷം വരെ സൗജന്യ അറ്റകുറ്റപ്പണി പാക്കേജ് തുടങ്ങിയവ ഉൾപ്പെടുന്നു.

ബിവൈഡി e6 എംപിവിയുടെ പുതുക്കിയ പതിപ്പാണ് ബിവൈഡി eMAX 7. ചൈനീസ് കമ്പനിയുടെ ഇന്ത്യയിലെ ആദ്യത്തെ ഇലക്ട്രിക് കാർ ആയിരുന്നു ബിവൈഡി e6. ഇലക്ട്രിക് എംപിവിയുടെ എക്സ്-ഷോറൂം വില 26.90 ലക്ഷം രൂപയാണ്. വർഷാവസാന ഓഫറുകൾ കാരണം ഈ മോഡലിന്റെ വിൽപ്പന വർദ്ധിക്കുമെന്ന് കമ്പനി പ്രതീക്ഷിക്കുന്നു.

ബിവൈഡി ഇമാക്സ് 7 ഒരു ഫുൾ-ഇലക്ട്രിക് മൾട്ടി-പർപ്പസ് വെഹിക്കിൾ ആണ്. ആറ് അല്ലെങ്കിൽ ഏഴ് പേർക്ക് ഇരിക്കാവുന്ന ഒരു ഇലക്ട്രിക് മിനിവാൻ/വലിയ വാഹനമായ ഇത് ഇന്ത്യയിൽ കുടുംബങ്ങൾക്കായി പ്രത്യേകം പുറത്തിറക്കിയതാണ്. സവിശേഷതകളാൽ സമ്പന്നമായ ക്യാബിനും ഒറ്റ ചാർജിൽ 530 കിലോമീറ്റർ വരെ സഞ്ചരിക്കാവുന്ന റേഞ്ചിനും പേരുകേട്ട ഒരു പ്രീമിയം എംപിവി ആണ് ബിവൈഡി ഇമാക്സ് 7. ബിവൈഡിയുടെ സിഗ്നേച്ചർ ഫ്രണ്ട് ഫാസിയ, വാൻ പോലുള്ള ഡിസൈൻ എന്നിവ ഇതിൽ ഉൾപ്പെടുന്നു, കൂടാതെ 6-സീറ്റർ, 7-സീറ്റർ കോൺഫിഗറേഷനുകളിൽ ഇത് ലഭ്യമാണ്. ബിവൈഡി ഇമാക്സ് 7-ന്റെ ഡൽഹിയിലെ ഓൺ-റോഡ് വില അടിസ്ഥാന മോഡലിന് 28.45 ലക്ഷം മുതൽ ആരംഭിക്കുന്നു. അതേസമയം ഉയർന്ന മോഡലിന് 31.79 ലക്ഷം വരെയാണ് വില.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.