ഇ6 (E6) എന്ന ഈ പുതിയ മോഡലിന് 29.6 ലക്ഷം രൂപയാണ് എക്സ്-ഷോറൂം വിലയെന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
ചൈനീസ് വാഹന ഭീമനായ ബിവൈഡി (BYD) പുതിയ ഇലക്ട്രിക് മൾട്ടി പർപ്പസ് വെഹിക്കിൾ ഇന്ത്യയിൽ അവതരിപ്പിച്ചു. ഇ6 (E6) എന്ന ഈ പുതിയ മോഡലിന് 29.6 ലക്ഷം രൂപയാണ് എക്സ്-ഷോറൂം വിലയെന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. പുതുതായി പുറത്തിറക്കിയ എംപിവി ഒരു പാസഞ്ചർ വാഹനമായിട്ടല്ല വിൽപ്പനയ്‌ക്കെത്തുകയെന്നും ഇന്ത്യൻ ബി2ബി സെഗ്‌മെന്റിലേക്കായിരിക്കുമെന്നും കമ്പനി പറയുന്നു.
പുതിയ e6 MPV യിൽ 71.7 kWh ബ്ലേഡ് ബാറ്ററിയാണ് വാഗ്ദാനം ചെയ്യുന്നത്, WLTP റേറ്റിംഗ് അനുസരിച്ച് നഗര സാഹചര്യങ്ങളിൽ ഒറ്റ ചാർജിൽ 520 കിലോമീറ്റർ റേഞ്ച് തിരികെ നൽകാമെന്ന് കാർ നിർമ്മാതാവ് അവകാശപ്പെടുന്നു. 70kWh ഇലക്ട്രിക് മോട്ടോർ നൽകുന്ന ഇതിന് 180 Nm പീക്ക് ടോർക്ക് സൃഷ്ടിക്കാനും 130 കിലോമീറ്റർ വേഗത വാഗ്ദാനം ചെയ്യാനും കഴിയും. എസി, ഡിസി ഫാസ്റ്റ് ചാർജിംഗ് സൗകര്യങ്ങളിലൂടെ ഇലക്ട്രിക് MPV e6 റീചാർജ് ചെയ്യാമെന്ന് BYD പറയുന്നു. വെറും അരമണിക്കൂറിനുള്ളിൽ എംപിവി 30 ശതമാനം മുതൽ 80 ശതമാനം വരെ ചാർജ് ചെയ്യാൻ കഴിയുമെന്നും ഇത് അവകാശപ്പെടുന്നു.
2007 മുതൽ BYD ഇന്ത്യയിൽ പ്രവര്‍ത്തിക്കുന്നുണ്ട്. ചെന്നൈ ആസ്ഥാനമായി പ്രവർത്തിക്കുന്ന BYD-യ്ക്ക് ഇന്ത്യയിൽ ഇലക്ട്രിക് ബസുകളും ട്രക്കുകളും കൂടാതെ മൊബൈൽ ഘടകങ്ങൾ, സോളാർ പാനലുകൾ, ബാറ്ററി ഊർജ്ജ സംഭരണം എന്നിവയും മറ്റും നിർമ്മിക്കുന്നുണ്ട്. പ്രീമിയം ഗ്രീൻ ടെക്നോളജി ഉപയോഗിച്ച് ഇന്ത്യയുടെ വൈദ്യുത വിപ്ലവ ലക്ഷ്യങ്ങൾ കൈവരിക്കുന്നതിന് പുതിയ e6 അവതരിപ്പിക്കുന്നതിൽ സന്തോഷമുണ്ടെന്ന് BYD ഇന്ത്യ എക്സിക്യൂട്ടീവ് ഡയറക്ടർ കെത്സു ഷാങ് പറഞ്ഞു. ഇന്ത്യയിലുടനീളമുള്ള പ്രധാന വിപണികളിൽ BYD ഇന്ത്യ കുതിച്ചുയരുന്നതിന് ഇത് തികഞ്ഞതും തന്ത്രപ്രധാനവുമായ സമയമാണെന്നും പ്രാദേശിക ഉപഭോക്താവിന്റെ പ്രതീക്ഷകളെ മറികടക്കാൻ കമ്പനി ശ്രമിക്കുന്നുവെന്നും അദ്ദേഹം വ്യക്തമാക്കി.
ആഗോളതലത്തിൽ പരീക്ഷിച്ച പുതിയ e6 ഇന്ത്യൻ വിപണിയിൽ എത്തിക്കുന്നതിൽ അതിയായ സന്തോഷമുണ്ടെന്ന് BYD ഇന്ത്യയുടെ ഇലക്ട്രിക് പാസഞ്ചർ വെഹിക്കിൾ സെയിൽസ് ഹെഡ് ശ്രീരംഗ് ജോഷി പറഞ്ഞു. സുരക്ഷ, വിശ്വാസ്യത, ഇന്റീരിയർ സ്പേസ്, അതുപോലെ സാമ്പത്തിക ലാഭക്ഷമത എന്നിവയിൽ ശ്രദ്ധ കേന്ദ്രീകരിക്കുന്നുവെന്നും ഓൾ-ന്യൂ ഇ6 ഇന്ത്യൻ ബി2ബി വിപണിയിൽ ഹിറ്റാകുമെന്ന് കരുതുന്നതായും അദ്ദേഹം വ്യക്തമാക്കി.
"ഡ്രൈവിംഗ് കംഫർട്ട്, ഇന്റീരിയർ ഫീച്ചറുകൾ എന്നിവയിൽ ചില മികച്ച ഇൻ-ക്ലാസ് ഫീച്ചറുകൾക്കൊപ്പം" ഡ്രൈവിംഗ് അനുഭവം മെച്ചപ്പെടുത്തുന്നതിലാണ് BYD ശ്രദ്ധ കേന്ദ്രീകരിക്കുന്നതെന്ന് ജോഷി കൂട്ടിച്ചേർത്തു. "ഉടമസ്ഥാവകാശത്തിന്റെ ആകെ ചെലവ് ഞങ്ങളുടെ ഉപഭോക്താക്കൾക്കും സെഗ്‌മെന്റിനും മൊത്തത്തിൽ വളരെയധികം പ്രയോജനം ചെയ്യും. ഇന്ത്യയുടെ ഇവി വിപ്ലവത്തിന്റെ ഭാഗമാകാൻ കഴിഞ്ഞതിൽ സന്തോഷമുണ്ട്, ഭാവിയിൽ ഞങ്ങൾ കൂടുതൽ ഉൽപ്പന്ന ശ്രേണികൾ പുറത്തിറക്കും," ജോഷി പറഞ്ഞു.
പുതിയ e6 ഇലക്ട്രിക് എംപിവി പ്രധാന മെട്രോ നഗരങ്ങളായ ഡൽഹി, മുംബൈ, ചെന്നൈ, ബെംഗളൂരു, ഹൈദരാബാദ് എന്നിവയ്ക്ക് പുറമെ വിജയവാഡ, അഹമ്മദാബാദ്, കൊച്ചി തുടങ്ങിയ നഗരങ്ങളിലും 29.6 ലക്ഷം രൂപ എക്‌സ്‌ഷോറൂം വിലയിൽ ലഭ്യമാകുമെന്ന് BYD അറിയിച്ചു.
BYD e6-ന് 3 വർഷം അല്ലെങ്കിൽ 1.25 ലക്ഷം കിലോമീറ്റർ വാറന്റി, 8 വർഷം അല്ലെങ്കിൽ 5 ലക്ഷം കിലോമീറ്റർ ബാറ്ററി സെൽ വാറന്റി, 8 വർഷം അല്ലെങ്കിൽ 1.5 ലക്ഷം കിലോമീറ്റർ, ഏതാണ് നേരത്തെയെങ്കിൽ ട്രാക്ഷൻ മോട്ടോർ വാറന്റി എന്നിവയും വാഗ്ദാനം ചെയ്യുന്നു. നിലവിൽ, മാരുതി എർട്ടിഗ, ടൊയോട്ട ഇന്നോവ ക്രിസ്റ്റ, റെനോ ട്രൈബർ, മഹീന്ദ്ര മറാസോ തുടങ്ങിയവരാണ് ഇന്ത്യയിലെ എംപിവി സെഗ്‌മെന്റിൽ ആധിപത്യം പുലർത്തുന്നത്.