കര്‍വ്വിന്റെ പ്രൊഡക്ഷൻ-റെഡി മോഡൽ ആദ്യം ഒരു ഇലക്ട്രിക് എസ്‌യുവിയായി അവതരിപ്പിക്കുമെന്ന് ടാറ്റ ഇതിനകം വെളിപ്പെടുത്തിയിട്ടുണ്ട്, അതിന് ശേഷം അതിന്റെ ഇന്റേണൽ കംബസ്‌ഷൻ എഞ്ചിൻ പതിപ്പ് വരും.
ടാറ്റാ മോട്ടോഴ്‍സിന്‍റെ ഭാവി മിഡ്‌സൈസ് എസ്‌യുവിയെ പ്രിവ്യൂ ചെയ്യുന്ന ടാറ്റ കർവ്വ് ഇവി കൺസെപ്റ്റിനെ 2022 ഏപ്രിലിൽ ആണ് ആദ്യം പ്രദര്‍ശനത്തിനെത്തിയത്. 2023 ലെ ദില്ലി ഓട്ടോ എക്‌സ്‌പോയിൽ അവിനിയ ഇവി കൺസെപ്‌റ്റിനൊപ്പം കാർ നിർമ്മാതാവ് അതിന്റെ വ്യത്യസ്ത പതിപ്പ് പ്രദർശിപ്പിക്കാൻ സാധ്യതയുണ്ട്. കര്‍വ്വിന്റെ പ്രൊഡക്ഷൻ-റെഡി മോഡൽ ആദ്യം ഒരു ഇലക്ട്രിക് എസ്‌യുവിയായി അവതരിപ്പിക്കുമെന്ന് ടാറ്റ ഇതിനകം വെളിപ്പെടുത്തിയിട്ടുണ്ട്, അതിന് ശേഷം അതിന്റെ ഇന്റേണൽ കംബസ്‌ഷൻ എഞ്ചിൻ പതിപ്പ് വരും.
വാഹനത്തിന്‍റെ ലോഞ്ച് ടൈംലൈനിനെക്കുറിച്ച് ഔദ്യോഗിക വിശദീകരണം ഒന്നുമില്ലെങ്കിലും, പുതിയ ടാറ്റ മിഡ്‌സൈസ് എസ്‌യുവി 2024 അല്ലെങ്കിൽ 2025 ൽ പുറത്തിറങ്ങുമെന്ന് പ്രതീക്ഷിക്കുന്നു. വിപണിയില്‍ എത്തിയാല്‍ അതിന്റെ ഐസിഇ-പവർ പതിപ്പ് ഹ്യുണ്ടായ് ക്രെറ്റ, മാരുതി സുസുക്കി ഗ്രാൻഡ് വിറ്റാര, കിയ സെൽറ്റോസ്, ടൊയോട്ട അർബൻ ക്രൂയിസർ ഹൈറൈഡർ, സ്‌കോഡ കുഷാക്ക്, ഫോക്‌സ്‌വാഗൺ ടൈഗൺ തുടങ്ങിയ കാറുകളെ നേരിടും.
ഒടുവില്‍ ഹ്യുണ്ടായിയെ മലര്‍ത്തിയടിച്ച് ടാറ്റ, മുന്നില്‍ ഇനി ഒരൊറ്റ എതിരാളി മാത്രം!
ടാറ്റ മോട്ടോഴ്‌സ് കര്‍വ്വ് ഇവി കൺസെപ്‌റ്റിന്റെ പവർട്രെയിൻ വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. എന്നിരുന്നാലും, നെക്‌സോൺ ഇവിയുടെ 30.2kWh ബാറ്ററി പാക്കിനെക്കാൾ വലിയ ബാറ്ററി പാക്കിലാണ് ഇത് വാഗ്‍ദാനം ചെയ്യുന്നത്. ടാറ്റ കര്‍വ്വ് കൂപ്പെ എസ്‌യുവിയുടെ പ്രൊഡക്ഷൻ പതിപ്പ് ഏകദേശം 400 മുതല്‍ 500 കിലോമീറ്റർ റേഞ്ച് വരെ നൽകുമെന്ന് അവകാശപ്പെടുന്നു. ഈ ആശയം ടാറ്റയുടെ പുതിയ ജനറേഷൻ-2 ആർക്കിടെക്ചറിന്റെ അരങ്ങേറ്റവും അടയാളപ്പെടുത്തി, അത് പ്രധാനമായും നെക്സോണ്‍ ഇവിയുടെ ജെൻ-1 പ്ലാറ്റ്‌ഫോമിന്‍റെ വളരെയധികം പരിഷ്‌ക്കരിച്ച പതിപ്പാണ്.
വ്യത്യസ്ത തരത്തിലുള്ള ബോഡിര ശൈലികളും പവർട്രെയിനുകളും ഉൾക്കൊള്ളുന്ന തരത്തിലാണഅ ജെൻ-2 ആർക്കിടെക്ചർ രൂപകൽപ്പന ചെയ്‍തിരിക്കുന്നത്. കര്‍വ്വ് കൺസെപ്റ്റ് ബ്രാൻഡിന്റെ പുതിയ 'ഡിജിറ്റൽ' ഡിസൈൻ ഭാഷയെ പ്രിവ്യൂ ചെയ്യുന്നു. ത്രികോണ ഹെഡ്‌ലാമ്പ് ഹൗസുകൾ, പൂർണ്ണ വീതിയുള്ള എൽഇഡി ലൈറ്റ് ബാർ, ഭംഗിയായി ശിൽപമുള്ള ബമ്പർ, ത്രികോണാകൃതിയിലുള്ള എയർ വെന്റുകൾ, ചതുരാകൃതിയിലുള്ള വീൽ ആർച്ചുകൾ, വളഞ്ഞ റൂഫ്‌ലൈൻ, നോച്ച്‌ബാക്ക്- ശൈലിയിലുള്ള ബൂട്ട് എന്നിവയും വാഹനത്തിനുണ്ട്.
അകത്ത്, ടാറ്റ കര്‍വ്വ് കൺസെപ്റ്റിന് മിനിമലിസ്റ്റ് ഡിസൈൻ ഉണ്ട്. ത്രീ-ലെയർ ഡാഷ്‌ബോർഡ്, അടിയിൽ കോണീയ ഭാഗം, ക്യാബിന്റെ വീതിയിൽ പ്രവർത്തിക്കുന്ന എൽഇഡി ലൈറ്റ് സ്ട്രിപ്പ് എന്നിവ ഇതിന്റെ സവിശേഷതയാണ്. രണ്ട് ഫ്രീ-സ്റ്റാൻഡിംഗ് ഡിജിറ്റൽ സ്ക്രീനുകളുണ്ട് - ഒന്ന് ഇൻസ്ട്രുമെന്റ് ക്ലസ്റ്ററിനും മറ്റൊന്ന് ഇൻഫോടെയ്ൻമെന്റ് സിസ്റ്റത്തിനും. കാലാവസ്ഥാ നിയന്ത്രണ സ്വിച്ചുകൾ, റോട്ടറി ഗിയർ സെലക്ടർ, സെന്റർ ആംറെസ്റ്റ് എന്നിവയ്‌ക്കൊപ്പം ഫ്ലോട്ടിംഗ് സെന്റർ കൺസോൾ ലേഔട്ടും ഈ കൺസെപ്‌റ്റിനുണ്ട്.