ആറുമാസത്തിനുള്ളിൽ എത്തുന്ന രണ്ട് പുതിയ എംജി കാറുകൾ

എംജി മോട്ടോർ ഇന്ത്യ പുതിയ ഹെക്ടർ എസ്‌യുവിയും എൻട്രി ലെവൽ ഇലക്ട്രിക് കാറും പുറത്തിറക്കും

ചൈനീസ് വാഹന ബ്രാൻഡായ എം‌ജി മോട്ടോർ ഇന്ത്യ അടുത്തിടെ നവീകരിച്ച ഗ്ലോസ്റ്റർ എസ്‌യുവി പുറത്തിറക്കി. നിരവധി പരിഷ്‍കാരങ്ങളും വിപുലമായ കണക്റ്റിവിറ്റി സവിശേഷതകളുമായിട്ടാണ് പുത്തൻ ഗ്ലോസ്റ്റര്‍ എസ്‍യുവിയുടെ വരവ്. അടുത്ത ആറ് മാസത്തിനുള്ളിൽ രണ്ട് മോഡലുകൾ കൂടി രാജ്യത്ത് അവതരിപ്പിക്കാൻ കമ്പനി പദ്ധതിയിടുന്നുണ്ട്. എംജി മോട്ടോർ ഇന്ത്യ പുതിയ ഹെക്ടർ എസ്‌യുവിയും എൻട്രി ലെവൽ ഇലക്ട്രിക് കാറും പുറത്തിറക്കും. രണ്ട് മോഡലുകളും ഇതിനകം തന്നെ ഇന്ത്യൻ റോഡുകളിൽ ഒന്നിലധികം തവണ പരീക്ഷണം നടത്തിയിട്ടുണ്ട്.

14 ഇഞ്ച് പോർട്രെയ്‌റ്റ് എച്ച്‌ഡി ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തോടുകൂടിയ പുതിയ ഡ്യുവൽ ടോൺ ക്യാബിൻ കാണിക്കുന്ന ന്യൂ-ജെൻ ഹെക്ടർ എസ്‌യുവിയുടെ ഇന്റീരിയർ ചിത്രങ്ങൾ എംജി മോട്ടോർ ഇന്ത്യ ഇതിനകം പുറത്തുവിട്ടിട്ടുണ്ട്. പുതുക്കിയ എക്സ്റ്റീരിയർ സ്റ്റൈലിംഗ് വെളിപ്പെടുത്തുന്ന ഒന്നിലധികം ടീസറുകളും കമ്പനി പുറത്തിറക്കിയിട്ടുണ്ട്. പുതിയ ക്രോം ഗ്രില്ലും പുതുക്കിയ എൽഇഡി ഹെഡ്‌ലാമ്പുകളും ടെയിൽ ലാമ്പുകളുമായാണ് പുതിയ എംജി ഹെക്ടർ വരുന്നത്. എസ്‌യുവിക്ക് വീതിയേറിയതും മെലിഞ്ഞതുമായ എയർ ഡാമിനായി ക്രോം സറൗണ്ട് ഉണ്ടായിരിക്കുമെന്നും മുകളിൽ എൽഇഡി ഡിആർഎല്ലുകളുള്ള പുതിയ സ്പ്ലിറ്റ് ഹെഡ്‌ലാമ്പ് സജ്ജീകരണവും പ്രധാന ഹെഡ്‌ലാമ്പ് യൂണിറ്റുകൾ താഴ്ന്ന ബമ്പറിൽ സ്ഥാപിക്കുമെന്നും ടീസർ വെളിപ്പെടുത്തുന്നു.

പുതിയ ഹെക്ടറിന്റെ ഇന്റീരിയർ 'സിംഫണി ഓഫ് ലക്ഷ്വറി' ആയി സങ്കൽപ്പിക്കപ്പെട്ടിരിക്കുന്നുവെന്ന് എംജി അവകാശപ്പെടുന്നു. സമ്പന്നമായ ബ്രഷ്‍ഡ് മെറ്റൽ ഫിനിഷിനൊപ്പം ഇരട്ട-ടോൺ ഓക്ക് വൈറ്റും ബ്ലാക്ക് ഇന്റീരിയറും ഇതിന് ലഭിക്കുന്നു. ഡാഷ്‌ബോർഡും മറ്റ് ബോഡി പാനലുകളും ലെതറിൽ തീർത്തിരിക്കുന്നു. ഇതിന് പുതിയ മൾട്ടി-ഫങ്ഷണൽ സ്റ്റിയറിംഗ് വീലും ഒരു പുതിയ ഡിജിറ്റൽ ഇൻസ്ട്രുമെന്റ് കൺസോളും ലഭിക്കുന്നു. എസ്‌യുവിയുടെ പുതിയ 14 ഇഞ്ച് എച്ച്‌ഡി പോർട്രെയ്‌റ്റ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം നെക്സ്റ്റ്-ജെൻ ഐ-സ്‍മാർട്ട് ടെക്, വയർലെസ് കണക്റ്റിവിറ്റി എന്നിവയോടെയാണ് വരുന്നത്.

പുതിയ തലമുറ എംജി ഹെക്ടര്‍ 2022 രണ്ട് എഞ്ചിൻ ഓപ്ഷനുകളിൽ വാഗ്ദാനം ചെയ്യപ്പെടാൻ സാധ്യതയുണ്ട്. 1.5 ലിറ്റര്‍ 4-സിലിണ്ടർ ടർബോ പെട്രോളും 2.0 ലിറ്റര്‍ ടർബോ ഡീസലും. ആദ്യത്തേത് 141bhp-നും 250Nm-നും മികച്ചതാണെങ്കിൽ, ഓയിൽ ബർണർ 168bhp-യും 350Nm ടോർക്കും ഉത്പാദിപ്പിക്കുന്നു. മൈൽഡ് ഹൈബ്രിഡ് സിസ്റ്റത്തിനൊപ്പം പെട്രോൾ എഞ്ചിനും ലഭിക്കും. ട്രാൻസ്‍മിഷൻ ഓപ്‍ഷനുകളിൽ ആറ് സ്പീഡ് മാനുവലും ഒരു സിവിടി ഓട്ടോമാറ്റിക്കും ഉൾപ്പെടും.

വുളിംഗ് എയർ ഇവിയെ അടിസ്ഥാനമാക്കി എംജി മോട്ടോർ ഇന്ത്യ ഒരു എൻട്രി ലെവൽ ഇലക്ട്രിക് കാർ പുറത്തിറക്കും. ലോഞ്ച് ചെയ്തുകഴിഞ്ഞാൽ, പുതിയ എംജി ഇലക്ട്രിക് കാർ പുതുതായി പുറത്തിറക്കിയ ടാറ്റ ടിയാഗോ ഇവിക്ക് എതിരായി മത്സരിക്കും. രണ്ട് സീറ്റർ മോഡലായിരിക്കും ഇത്. എംജി സിറ്റി ഇവി എന്ന് വിളിക്കപ്പെടും. 2023 ജൂണിൽ പുറത്തിറങ്ങുന്ന പുതിയ ഇലക്ട്രിക് വാഹനം ഏകദേശം 20 കിലോവാട്ട് മുതല്‍ 25 കിലോവാട്ട് വരെ ശേഷിയുള്ള ബാറ്ററി പായ്ക്ക് അവതരിപ്പിക്കുമെന്ന് പ്രതീക്ഷിക്കുന്നു. ഇത് 40 ബിഎച്ച്പി കരുത്തും 150 കിലോമീറ്റർ റേഞ്ചും നൽകുന്നു. 12 ഇഞ്ച് സ്റ്റീൽ റിമ്മുകളിൽ സഞ്ചരിക്കുന്ന ഈ ചെറിയ ഇലക്ട്രിക് വാഹനത്തിന് 2010 എംഎം വീൽബേസും ഉണ്ട്.