ഗൺആർ ഫ്ലെക്സ് ഇന്ധന പതിപ്പിനെ സുസുക്കി മോട്ടോർ കോർപ്പറേഷന്റെ പിന്തുണയോടെ പ്രാദേശികമായി രൂപകൽപ്പന ചെയ്യുകയും വികസിപ്പിച്ചെടുക്കുകയും ചെയ്‍തെന്നാണ് മാരുതി സുസുക്കി പറയുന്നത്.
മാരുതി സുസുക്കി വാഗൺആർ ഫ്ലെക്സ് ഫ്യുവൽ പ്രോട്ടോടൈപ്പ് 2023 ഓട്ടോ എക്‌സ്‌പോയിൽ പ്രദർശിപ്പിച്ചു. 2022 ഡിസംബറിൽ ദില്ലിയിൽ നടന്ന SIAM എത്തനോൾ ടെക്‌നോളജി എക്‌സിബിഷനിലാണ് ഈ മോഡൽ ആദ്യമായി അവതരിപ്പിച്ചത്. വാഗൺആർ ഫ്ലെക്സ് ഇന്ധന പതിപ്പിനെ സുസുക്കി മോട്ടോർ കോർപ്പറേഷന്റെ പിന്തുണയോടെ പ്രാദേശികമായി രൂപകൽപ്പന ചെയ്യുകയും വികസിപ്പിച്ചെടുക്കുകയും ചെയ്‍തെന്നാണ് മാരുതി സുസുക്കി പറയുന്നത്. ഹാച്ച്ബാക്കിന്റെ പ്രോട്ടോടൈപ്പിന് 20 ശതമാനത്തിനും (E20) 85 ശതമാനത്തിനും ഇടയിൽ (E85) എത്തനോളിന്റെയും പെട്രോളിന്റെയും മിശ്രിതത്തിൽ പ്രവർത്തിക്കാൻ കഴിയും.
എഥനോൾ ടെക്‌നോളജി എക്‌സിബിഷനിൽ പ്രദർശിപ്പിച്ച വാഗൺആർ മാരുതി സുസുക്കി പ്രാദേശികമായി വികസിപ്പിച്ചെടുത്തതാണ് . കോർപ്പറേറ്റ് ആവറേജ് ഫ്യുവൽ ഇക്കോണമി (CAFE) മാനദണ്ഡങ്ങൾക്ക് കീഴിൽ കൂടുതൽ താങ്ങാനാവുന്നതും വൃത്തിയുള്ളതുമായ എത്തനോൾ അടിസ്ഥാനമാക്കിയുള്ള ഇന്ധനത്തിലേക്ക് പരിവർത്തനം ചെയ്യുക എന്ന കേന്ദ്ര സര്‍ക്കാരിന്‍റെ ലക്ഷ്യത്തിന് പിന്തുണ പ്രഖ്യാപിച്ചുകൊണ്ടുള്ള മാരുതി സുസുക്കിയുടെ നീക്കം ഒന്നുകൂടി അരക്കിട്ടുറപ്പിച്ചിരിക്കുകയാണ് അക്ഷാര്‍ത്ഥത്തില്‍ ദില്ലി ഓട്ടോ എക്സ്പോയിലെ പുതിയ വാഗൺആർ അരങ്ങേറ്റം.
കേന്ദ്രത്തിന് കയ്യടിച്ച് മാരുതി മുതലാളിയും, പരീക്ഷണം വാഗണാറില്‍!
പുതിയ മാരുതി വാഗൺആർ ഫ്ലെക്സ് ഫ്യൂവൽ പ്രോട്ടോടൈപ്പിന്റെ പവർട്രെയിൻ സജ്ജീകരണത്തിൽ 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഉൾപ്പെടുന്നു. E20 മുതൽ E85 വരെയുള്ള ഫ്ലെക്സ് ഇന്ധന ശ്രേണിയിൽ ഇതിന് പ്രവർത്തിക്കാനാകും. പെട്രോൾ യൂണിറ്റ് പരമാവധി 88.5 ബിഎച്ച്പി കരുത്തും 113 എൻഎം ടോർക്കും പുറപ്പെടുവിക്കുന്നു. എത്തനോളിന്റെ വിനാശകരമായ സ്വഭാവവും കുറഞ്ഞ കലോറിഫിക് മൂല്യവും അതിനെ ചെറുക്കുന്നതിന്, മാരുതി സുസുക്കി അതിന്റെ പെട്രോൾ എഞ്ചിനിൽ ചില പരിഷ്‍കാരങ്ങൾ വരുത്തിയിട്ടുണ്ട്.
എഥനോൾ ശതമാനം കണ്ടെത്തുന്നതിനുള്ള എത്തനോൾ സെൻസർ, കോൾഡ് സ്റ്റാർട്ട് അസിസ്റ്റിനുള്ള ഹീറ്റഡ് ഫ്യുവൽ റെയിൽ എന്നിങ്ങനെ പുതിയ ഇന്ധന സംവിധാന സാങ്കേതികവിദ്യകൾ മോട്ടോറിനുണ്ട്. വാഹനത്തിന്‍റെ എഞ്ചിൻ മാനേജ്മെന്റ് സിസ്റ്റം, ഫ്യൂവൽ ഇൻജക്ടർ, ഫ്യൂവൽ പമ്പ് എന്നിവയും മറ്റ് ഘടകങ്ങളും അപ്ഡേറ്റ് ചെയ്‍തിട്ടുണ്ട്. പവർട്രെയിൻ കർശനമായ BS6 ഘട്ടം II എമിഷൻ മാനദണ്ഡങ്ങളും പാലിക്കുന്നു. അഞ്ച് സ്പീഡ് മാനുവൽ ഗിയർബോക്‌സിലാണ് പ്രോട്ടോടൈപ്പ് വരുന്നത്.
എഥനോൾ ഇന്ധന അധിഷ്ഠിത വാഗൺആറിന് സാധാരണ ഐസിഇ-പവർ പതിപ്പിനേക്കാൾ ടെയിൽ പൈപ്പ് ഉദ്‌വമനം 79 ശതമാനം കുറയ്ക്കാൻ കഴിയുമെന്ന് കമ്പനി പറയുന്നു. ഇതിന്റെ കരുത്തും പ്രകടനവും സാധാരണ പെട്രോൾ പതിപ്പിന് സമാനമായിരിക്കും. മാരുതി സുസുക്കി തങ്ങളുടെ ആദ്യത്തെ ഫ്ലെക്സ് ഇന്ധന മോഡൽ കോംപാക്റ്റ് സെഗ്‌മെന്റിലായിരിക്കുമെന്നും 2025-ഓടെ ലോഞ്ച് ചെയ്യുമെന്നും സ്ഥിരീകരിച്ചു.
എന്താണ് ഫ്ലെക്സ് ഫ്യുവല്‍ എഞ്ചിന്‍?
ഫ്ലെക്സ് എഞ്ചിൻ എന്നാല്‍ ഒന്നിൽ കൂടുതൽ ഇന്ധനത്തിലോ മിശ്രിത ഇന്ധനത്തിലോ പ്രവർത്തിക്കാൻ കഴിയുന്ന എഞ്ചിനാണ് ഫ്ലക്സ് എഞ്ചിനുകൾ. പെട്രോളും എഥനോളും വിവിധ അനുപാതത്തില്‍ ഉപയോഗിക്കാന്‍ സാധിക്കുന്ന സംവിധാനമാണ് ഫ്ലെക്സ് ഫ്യുവല്‍ എഞ്ചിനുകളില്‍ ഉള്ളത്. നിലവില്‍ കിട്ടുന്ന പെട്രോളില്‍ എട്ടു ശതമാനത്തോളം ഏഥനോളുണ്ട്. ഇത് 50 ശതമാനം വരെ കൂട്ടാന്‍ സാധിക്കും. സാധാരണഗതിയിൽ പെട്രോൾ, എഥനോൾ അല്ലെങ്കിൽ മെഥനോൾ എന്നിവയുടെ മിശ്രിതമാണ് ഇവയിൽ ഉപയോഗിക്കുന്നത്. ഏത് മിശ്രിതത്തിനും അനുയോജ്യമായി സ്വയം ക്രമീകരിക്കാൻ കഴിയുന്ന എഞ്ചിനുമാണിത്. ആധുനിക വാഹനങ്ങളിലുള്ള ഫ്യൂവൽ കോമ്പോസിഷൻ സെൻസർ, ഇ.സി.യു പ്രോഗ്രാമിങ് പോലുള്ള പരിഷ്‍കാരങ്ങളാണ് ഇത് സാധ്യമാക്കുന്നത്.
എണ്ണവിലയെ പേടിക്കേണ്ട, ഇത്തരം എഞ്ചിനുകള്‍ നിര്‍ബന്ധമാക്കാന്‍ കേന്ദ്രസര്‍ക്കാര്‍
ഇന്ത്യയിൽ പെട്രോളിനൊപ്പം എഥനോളാണ് മിക്‌സ് ചെയ്യുന്നത്. പെട്രോളിനെയും ഡീസലിനെയും അപേക്ഷിച്ച് കുറഞ്ഞ വിലയാണ് എഥനോളിനുള്ളത്. ഒരു ലിറ്റർ പെട്രോളിന് 100 രൂപയ്ക്ക് മുകളിലും ഡീസലിന് 90 രൂപയ്ക്ക് മുകളിലുമാണ് നിലവിലെ വില. എന്നാൽ, എഥനോളിന് ലിറ്ററിന് 62.65 രൂപ മാത്രമാണ് വില. അതുകൊണ്ട് തന്നെ എഥനോൾ ഇന്ധനമായി ഉപയോഗിക്കുകയോ എഥനോൾ ചേർന്ന പെട്രോൾ ഉപയോഗിക്കുകയോ ചെയ്യുന്നതിലൂടെ ഉപയോക്താക്കളുടെ ഇന്ധനച്ചെലലവിൽ കാര്യമായ കുറവുണ്ടാകും എന്നാണ് കേന്ദ്ര സർക്കാർ പറയുന്നത്.
അതേസമയം മാരുതി സുസുക്കി തങ്ങളുടെ സിഎൻജി ഉൽപ്പന്ന പോർട്ട്ഫോളിയോ രാജ്യത്ത് വിപുലീകരിക്കുന്നുണ്ട്. അടുത്ത രണ്ട് വർഷത്തിനുള്ളിൽ കൂടുതൽ ശക്തമായ ഹൈബ്രിഡ് മോഡലുകളും പ്യുവർ-ഇലക്‌ട്രിക് വാഹനങ്ങളും അവതരിപ്പിക്കാനും ഇത് ലക്ഷ്യമിടുന്നു.
വാഹനമേളയില്‍ താരമായി കിടിലനൊരു സ്വിഫ്റ്റ്, 40 കിമീ മൈലേജുള്ള ആ മോഡലോ ഇത്?!